စီးချင်းတိုက်ပွဲ-၂


          စာတစ်ပုဒ်ကဗျာတစ်ပုဒ်ကို ဝေဖန်တယ်ဆိုတာဟာ ဝေဖန်သူရဲ့ပင်ကိုယ်ဗီဇ၊ပါရမီရယ် သူ့ စာဝမ်းစာ ဘယ်လောက်ပြည့်မပြည့် ဆိုတာရယ် စာပေအပေါ် ဘယ်လောက်စေတနာထားသလဲ ၊ စာပေနဲ့ ပါတ်သက်လို့  သစ္စာ ဘယ်လောက်ရှိနိုင်မလဲ ဆိုတာရယ် စတဲ့ အချက်တွေအလိုက် မျက်မမြင်ပုဏ္ဏား တွေ ဆင်ကို ဝေဖန်သလိုမျိုး ကွဲပြားမှုတွေရှိကောင်းရှိနိုင်မှာပါ။


         အဲ-အခုကျွန်တော်ပြောပြနေတာတွေက ဝေဖန်တာမဟုတ်ပါ၊ လေကန်တာဖြစ်ပါတယ်(ဟီးးဟုတ်ပေါင်) ကျွန်တော်က ကျွန်တော်ခံစားမိသလောက် ပြောပြနေခြင်းသာဖြစ်ပါတယ်။


အရင်ပို့ စ် ကိုဆက်ရရင်

          တကယ်တော့ ဦးပုည ဟာ ဥပဓိရုပ်ဆင်းရဲတဲ့ သူပါ။ ညာလက်က မကောင်းပဲ ခွင်နေတော့ ဘယ်လက်နဲ့ ပဲ စာရေးနိုင်သူလည်းဖြစ်တယ်လေ။ သူ့ ရဲ့ရုပ်ချို့တဲ့ တာကြောင့် ဘုရင်မင်းမြတ်ကိုတောင် မဖူးမမြင် မခစားနိုင်ဘဲ နန်းတော်အပြင်ဘက် ထားဝယ်ဆောင်မှာ လက်ဖက်ရည် တည်ပြီး နန်းတွင်းကိုသွင်းရတဲ့ အမှုထမ်းမျှသာဖြစ်ရရှာတယ်။ ပြီးတော့ ဝင်ခွင့်ရတဲ့  အချိန်မှာလည်း သူ့ လက်ကို လူတွေမမြင်အောင် အကျီင်္လက်နဲ့  ကွယ်ထားရ လေတော့ ဒါကိုသိနေတဲ့  မင်းသားတွေက အချုပ်တန်းဆရာဖေကို လက်ထောက်ချပြီး စာထဲမှာ ထည့်ရေးဖို့  ထပ်ပင့်ပေးတော့

ကဗျာစီ မောင်ပုည
ဆောင်ဂုဏ်ပြ ထုတ်လျှင်
တောင်ချုံက ပုတ်သင်လို
ကုပ်ခွင်သိမ် လက်သေး။
မင်းမြှောက်လို့ 
သင်းလောက်ကျော်သည်
ထွင်းဖေါက်ကော် ဥာဏ်မျိုးနှင့်ဝေး။

          အစရှိတဲ့ တေးထပ်နဲ့  ပြန်ခွပ်တာပေါ့ ။ (တေးထပ်အပြည့်အစုံတော့ မတွေ့ မိပါ။) အဲဒိမှာ ဦးပုည နည်းနည်း ငြိမ်သွားတယ်။ ပြန်တီးတဲ့  စာထွက်မလာတော့ဘူး။ ဒါပေမယ့်  နေသေးသပ ချုံထဲက ချိုသွေးတမြမြ ဆိုတာလို အကြံထုတ်နေတာနေမှာပါ။ အဲဒိအချိန်မှာ ထပ်ပြီး မီးဆေးဖို့  အလဲထိုးဖို့  အချုပ်တန်းဆရာဖေရဲ့ ဘက်တော်သားတွေက မီးလောင်ရာ လေပင့်ထပ်လုပ်ကြ ၊ အကြံပေး ကြတာပေါ့ ။ အဲတော့

ဇစ္စန္ဒာဧဠ
စလေက ပုညံ
အခြေက ဂုဏ်ခံသော်
ပုံသဏ္ဍာန် ဆိုပြ။
ကုသလ ဥပေက္ခာ
လူဖြစ်လာ သန္တီရဏ။
သန္ဓေချင်းမတူပါ
အယူမှာကွာလှ
နမူနာ စာအရကိုတော့
ကမ္ဘာက အသိပါ။
ဝိပါက်မှာ မဟာထပ်ပါလို့ 
လာကပ်တဲ့ မန်းမြို့ဆရာ။
သန္ဓေချင်း ဒါလောက်ကွာတယ်
ဝါမောက်ကာ ဆိုင်မတုချင်နဲ့ 
ပြိုင်ပြုက မနုဿဌာနီ
မုချကွာမည်။
ဥက္ကဋ္ဌ အာဇာနည်ကို
စာပလီ ရေးလာနှင့်လေး။

ဆိုပြီး ပွဲသိမ်းဒူးပေးလိုက်တာပေါ့ ။ အဲဒိမှာတင် စလေ နဂါးကြီး ရှူးရှူးရှဲရှဲ ဖြစ်သွားတော့တာပေါ့ ။ သူ့ အားနည်းချက် လက်ခွင်တဲ့  ကိစ္စကို အချုပ်တန်းဆရာဖေရဲ့  ကဗျာကြောင့် လူတွေသိသွားကြတာကို သူသိပ်ရှက်သွား တာလည်းပါတာပေါ့ ။ အဲတော့ သူ့  ရဲ့လက်ကိစ္စကိုလည်းဖြေရှင်းရင်း၊ ပင့်လက်သီးလည်းပေးရင်း တစ်ချက်ခုတ်နှစ်ချက်ပြတ် တွယ်လိုက်တာက

တရုဏီရွယ်ကာလ
ငယ်ခါက ကျောင်းနေ
ဘယ်ညာချ စောင်းအနေမှာ
လောင်းကဝေ ငါ့အား။
အိပ်ပျော်ခိုက် ဘ- အလာမှာ
မကာသာ တွန်းချလေငြား။
သို့ အတွက် လက်ျာ သိမ်သည်
ငါကဝိန်သူ့ အား
ဘာအလိမ် လူ့ငနွားရယ်က
အရှုမှားလေတယ်။
ငဖေရယ် စလေတုပေမယ့် 
မေရုနှင့်မြင့်မိုကွာမယ်။
သူရာနှင့်သိကြားနှယ်
ဘုရားဝယ် မာရ်နတ်သို့ 
စာတတ်နှင့် အ,သူပမာ
အဲသည်လောက်ကွာ။
ကေဝဋ်နှင့် မဟော်သဓာလို
အတော်ကွာခြားတာမို့ လေး။

သူ့ အဖေ အအိပ်ကြမ်းလို့  တွန်းချခံရပြီး လက်သိမ်သွားတာကို ဖေါ်ပြရင်းနဲ့ ဥပမာ အမျိုးမျိုးသုံးပြီး နှိပ်နှိပ်ကွပ်ကွပ် ချေပ လိုက်တာပေါ့ ။
          ဦးပုည က အချုပ်တန်းဆရာဖေက သူ့ လက်နဲ့ ပါတ်သက်ပြီး ဝမ်းတွင်းပါ အနာလို့  စာချိုးထားတာကို တော်တော် အခံရခက်နေတော့ အဲလောက်နဲ့ မကျေနပ်နိုင်သေးပဲ အချုပ်တန်းဆရာဖေက သူ့ ငယ်ကျိုးငယ်နာကို ဖေါ်ထုတ်ရေးသားတာဟာ လိမ်ညာပြီး ရေးတာမို့  လူလိမ် တစ်ဦးဖြစ်ကြောင်း တိုင်းပြည်ကို ဖြေရှင်းချက် ချေပချက် ပေးလိုက်တာက

စေတီယ မင်းလက်ထက်
ဖွားဘက်တော်ရဲဗိုလ်
မဟုတ်မှ သူဆိုတယ်
သူ့ တကိုယ်မုသား။
အလွဲများဘုရင်တွင်သည်
အလိမ်တွင် မင်းတရဖျား။
အမှားများ ဥသျှောင်ငယ်
အကောက်တောင်ပိုင်စား
သင်္ဘောပါ မှန်များသော်မှ
မှားခေါ်လို့ ရောင်းစေ။
မှန်ခေါ်လျှင်အာကိုဖဲ့ မယ်ဟု
မောင်း လှည့်မည့်လူစားပါပေ။
တစ်မိုးအောက်လူ့ ပြည်မှာ
သည်မောင်ဖေ တပါးဟာဖြင့်
မုသားစောင်လိုခြုံ
ပိန်းပိတ်လို့ မှုံ။
မျက်လှည့်ကြီးဥာဏ်မျိုးစုံရယ်
လှည့်စားပုံဆန်းလှပါလေး။

ဒါနဲ့ လည်း စိတ်မကျေသေးဘူး။ အချုပ်တန်းဆရာဖေဟာ လိမ်ညာ တတ်သူဆိုတာ ပိုပြီး ထင်ရှားမြင်သာစေချင်လို့  အလွန့် အလွန် ထိမိပြီး သေးသိမ်ယုတ်ညံ့ တဲ့  ရွံရှာဖွယ် စကားလုံး ဝေါဟာရတွေ ကို စက်သေနတ် ပစ် သလိုသုံးပြီး

ဂျပ်ကောင်နှယ် ဖင်ကြားက
သန်းစကားသူဝါ
ရမ်းကား၍တုလာလျှင်
ဥပမာဆိုစို့ ။
ချေးပုံနှင့် မြင့်မိုတောင်
ခင်းဆိုယောင် ပြုကြသည်သို့ ။
သေးကွက်ကို ပင်လယ်
နင်တကယ်ထင်လို့ 
သဘင်ဝယ် ယှဉ်မတို့ လာနှင့်
သခင်တို့ ဦးချီ။
အုန်းမှုတ်လို အနေစားငယ်နှင့်
ရွှေဖလား မနှိုင်းတန်သင့်ပြီ။
ဥတုနှင့်ပုဇွန်ဆီ
ဒွန်ပီပီယှဉ်တွဲလို့ 
စပ်ဖဲအတွင်းခံ
ရိုင်းမိုက်တဲ့ ဥာဏ်။
မိုးကြိုးနှင့်အီးသံလို
ခရီးမှန်ကွာလှမ်းလှလေး။

ဒီလိုနဲ့ ပဲ ဦးပုည နဲ့  အချုပ်တန်း ဆရာဖေ တို့ ရဲ့ ကဗျာစီးချင်းတိုက်ပွဲ ဟာ ယမ်းနံ့ သွေးနံ့  တို့  လွင့်ပျံ့  လို့ နေကြပြီပေါ့ ။ တကယ်တော့ သူတို့ နှစ်ဦးရဲ့ ရန်စကို ဇာတ်ရှိန် မတက်တက်အောင် မီးထိုး မြှောက်ပင့်ပေး တဲ့ သူတွေရှိခဲ့ ကြလို့ သာ အခုလို အပြန်အလှန် စာချိုးခဲ့  ကြတာဖြစ်ပြီး၊ အဲလို သူတစ်ပြန်ကိုယ်တစ်လှည့်  ကဗျာသိုင်းကွက် အသစ်တွေ ထုတ်ခဲ့  ကြတဲ့ အတွက် အခုလို စီးချင်းတိုက်တဲ့  ကဗျာတွေကို မြန်မာ စာပေ ကဗျာ လောကမှာ တွေ့ မြင်ခဲ့  ကြရတာ ဖြစ်ပါတယ်။ ကျွန်တော်တို့  အနေနဲ့  လည်း  လေ့ လာ ဆည်းပူးခွင့် ရနေကြတာဖြစ်ပါတယ်။

          တစ်ယောက်နဲ့ တစ်ယောက် တပည့်နောက်လိုက်တို့ ရဲ့  မြှောက်ပင့်သွေးထိုးမှုကြောင့်ရော၊ ပြီးတော့ ငါ ဆိုသော မာန အခံ၊ အရည်အချင်း ပြိုင်ဆိုင်လိုတဲ့  စိတ်အခံ တို့ ကြောင့်ပါ အခုလို ကဗျာ စီးချင်းတိုက်ပွဲမျိုး ဖြစ်ခဲ့ ကြတာပါ။ ဒါပေမယ့်  တစ်ယောက်နဲ့ တစ်ယောက် သဲသဲမဲမဲ ရန်ငြိုးသိုပြီး တစ်သက်လုံး မုန်းနေကြလိမ့် မယ်လို့ ထင်ရင်တော့ မှားလိမ့် မယ်နဲ့ တူပါတယ်။
          ဦးပုည တစ်ယောက် အခါပေး မှုနဲ့ ပါတ်သက်ပြီး အဖမ်းခံရ၊ ပြီးတော့ "လူကိုခွေးသတ် " ခံရ တဲ့ အခါမှာ အချုပ်တန်း ဆရာဖေတစ်ယောက် အူမြူးနေမယ် ထင်ကြပါသလား။ ဒါမှမဟုတ် ဖြစ်လာရတဲ့  အခြေအနေတွေအတွက် မတရားသော လောကကြီးကိုပဲ စိတ်နာပြီး ဘဝတူချင်းအတွက် မျက်ရည်ကျနေမလား။

          ကျွန်တော့ကတော့ လက်ရည်တူ ပြိုင်ဘက်ကောင်းတစ်ယောက် အချိန်မတန်မီ ကြွေလွင့်ခဲ့  ရတော့  အချုပ်တန်းဆရာဖေ အဖို့ မှာ နှမျောစိတ်နဲ့  သေတဲ့ အထိ ဦးပုညကို လွမ်းနေလိမ့်  မယ်လို့ ထင်မြင်မိပါကြောင်း။

          သူတို့ နှစ်ဦးရဲ့ စာပေတိုက်ပွဲ ကဗျာစီးချင်းထိုးပွဲနဲ့ ပါတ်သက်လို့  မြန်မာစာ ပါမောက္ခ ဦးချမ်းမြ က

          စာဟူသည်မှာ အပြိုင်ရှိမှလည်းတိုးတက်သည်။ သူတို့ ရဲ့ စာပေတိုက်ပွဲမျိုးတွေကို နိုင်ငံရေး အမြင်များဖြင့် ပုံကြီးမချဲ့ သင့်။ မည်သူမှန်၍မည်သူမှားသည် ဟု စပ်ကြားက မဝေဖန်သင့်။ သူ့  ဆရာငါ့ဆရာ ဟူ၍လည်း ငါ့ဆရာထိကမခံဟူ၍လည်း စိတ်သဘောမျိုးမထားသင့်။ သူတို့  စာများကို ဖတ်ရှု၍ ဆင်ခြင်ပြီး အမြတ်ထုတ်ကြရာသည်ဟု ထင်မြင်ကြောင်း

သုံးသပ်ချက်ကို တင်ပြရင်း အဆုံးသတ်လိုက်ပါတယ်။


ကဗျာများအား မူရင်းသတ်ပုံအတိုင်းဖေါ်ပြထားခြင်းဖြစ်ပါတယ်။

ညွှန်း- " အချုပ်တန်းဆရာဖေ " (၁၉၇၇)၊ အငြိမ်းစားမြန်မာစာ ပါမောက္ခ ဦးချမ်းမြ

အားလုံးကိုကျေးဇူးတင်ပါတယ်။

တွေးမိနေတာလေးတွေကို အခြေအနေပေးရင် ပြောပြချင်ပါသေးတယ်။

ကညွှတ်နွယ်(ထီလာ)
20082011


တံခါးခေါက်ပါ


အတွေးတွေနဲ့  ချိတ်ဆွဲထားတဲ့ 
ငါ့ စိတ်ရဲ့ နံရံတစ်လျှောက်မှာ
ဦးနှောက်ကို ပိုင်နက်ကျူးလွန်နေကြတဲ့ 
အိပ်မက်ရဲ့စိတ္တဇ ပန်းချီကားတစ်ချို့ 
ပင့်ကူမျှင် စုတ်ချက်ခပ်ညံ့ ညံ့ တို့ နဲ့ 
မိတ်တွေဖွဲ့နေကြပါပေါ့ 
မုသားအမှတ်တံဆိပ် ခပ်နှိပ်ထားတဲ့ 
ပျားရည်ပုလင်းရဲ့  နိမိတ်ပုံ နင့်နှုတ်ခမ်း ပါးပါးလေးကို
"အိပ်စပယ်ရာဒိတ်" ကြည့်ဖို့ လိုနေပြီလေ
ကြက်သွန်နီ အခွံခွာထားမိတဲ့ 
ငါ့ရင်ခွင်တံခါးကတော့
သာလာယံဇရပ်ပြိုတစ်ခုလို
နင့်အဖို့ 
သူဖုန်းစား အပိုင်စီးသလိုမျိုး
ဝင်ချင်ဝင်ထွက် ချင်ထွက်နဲ့ 
"ပါမစ်" မဲ့ တဲ့  သွင်းကုန်ထုတ်ကုန်ဘဝမျိုးမို့ 
ဥပေက္ခာ ရဲ့ နောက်မျက်နှာတစ်ဖက်မှာ
ခပ်ဝှက်ဝှက်ပါပဲ
တန်ဖိုးမဲ့  ချစ်ခြင်း ရဲ့ညည်းတွားမှုတွေက
ငှက်ဖျားမိတဲ့ ဓါတ်ကြိုးပေါ်က ခိုတစ်ကောင်လို
အာဟာရပြတ်လို့ 
ဖွင့်မရတဲ့  ခိုးကူးခွေတစ်ချပ်သာသာမို့ 
သံသရာရဲ့ အကျိုးဆက်များရှိခဲ့ ရင်
ငါ့ဘဝရဲ့"ကလုံး" အဆက်ဆက်
မှတ်ချက်ပြုခဲ့ မယ်ဟေ့ 
လမ်းဘေးက အလင်းဆိုင် တံခါးလိုများ
ယောင်မှားပြီး
ငါ့ရင်ကို ဖွင့်ထားမိခဲ့ မယ်ဆိုရင်တောင်
နင်
ဝင်ခွင့်တောင်းပါ။

ကညွှတ်နွယ်(ထီလာ)
02092011

စီးချင်းတိုက်ပွဲ


          စီးချင်းတိုက်ပွဲဆိုလို့  အထက်တန်း(တက္ကသိုလ်ဝင်တန်း) က မွန်ဘုရင်ရာဇာဓိရာဇ် ရဲ့  စီးချင်းတိုက်ပွဲ မဟုတ်ပါဘူး။ ကျွန်တော်က ခေါင်းစဉ် ငှားသုံးလိုက်တာပါ။


          ကျွန်တော်တို့  မြန်မာစာပေလောက တစ်လျှောက်မှာ ခေတ်ပြိုင် စာဆိုဘက်တို့  အချင်းအချင်း တစ်ယောက်နဲ့ တစ်ယောက် ကြည်စယ်ချင်လို့ ပဲဖြစ်ဖြစ် မခံချင်အောင် ကလိချင်လို့ ပဲဖြစ်ဖြစ်
ငယ်ကျိုးငယ်နာ ဖေါ်ချင်  လို့ ပဲဖြစ်ဖြစ် အရည်အသွေးယှဉ်ချင်လို့ ပဲဖြစ်ဖြစ် အကြောင်းကြောင်းတွေကြောင့် ကလောင်လက်နက်နဲ့  စာတိုက်ပွဲ ကဗျာတိုက်ပွဲ ဆင်နွဲခဲ့ ကြတာကို တွေ့ ရမှာဖြစ်ပါတယ်။

          အင်းဝခေတ် ရှင်မဟာသီလဝံသနဲ့  ရှင်မဟာ ရဋ္ဌသာရ တို့ လက်ထက်ကနေ မန်လည်ဆရာတော် နဲ့  ဦးပဒုမ၊ ဗန်းမော်ဆရာတော် နဲ့  သီလရှင်မယ်ကင်း တို့ တိုင်အောင် တိုက်ပွဲတစ်ချို့ရဲ့ လက်စလက်န တွေကို တွေ့ ကြရမှာဖြစ်ပါတယ်။

          အဲလိုတိုက်ခဲ့ ကြတဲ့  တိုက်ပွဲတွေထဲကမှ ကျွန်တော် တင်ပြချင်တာက အချုပ်တန်း ဆရာဖေနဲ့   ဦးပုည တို့ ရဲ့ကဗျာ စီးချင်းထိုးပွဲ တစ်စိတ်တစ်ဒေသပဲဖြစ်ပါတယ်။

          အဲဒိကဗျာစီးချင်းတိုက်ပွဲ ဖြစ်လာတဲ့  အခြေခံအကြောင်းအရင်းကတော့-

          အဲဒိခေတ် နန်းတွင်းမှာ ကပြအသုံးတော်ခံနေတဲ့  ဇာတ် တွေအနက် ယင်းတော်မလေး ရဲ့  ဇာတ်ဟာ အချုပ်တန်းဆရာဖေ ရဲ့ဇာတ်စာတွေကြောင့် နာမည်တက်လာပါတယ်။ မယင်းတော် အတွက် ငိုချင်း၊ ဇာတ်ချင်းတွေကို ဦးပုည ကလည်း ရေးပေးပါတယ်။ တစ်ခါတော့ မယင်းတော် က အချုပ်တန်း ဆရာဖေ ကို " ကြင်ဖေါ်ကွဲ ငိုချင်း " တစ်ပုဒ် ထိထိမိမိ ရေးပေးပါ လို့  တောင်းဆိုတဲ့ အတွက် အချုပ်တန်း ဆရာဖေ က



သည်ဘဝ
သည်မျှနှင့် တန်ရပေ။

နောင်ဘဝသော်မှ
မောင်လှကိုပိုလို့ ချစ်မယ်
(ကွယ်) မျိုးစစ်တဲ့ ဆွေ။

ဗုဒ္ဓဟေ
ညောင်ရွှေကွဲ့သဖန်း။

ပွင့်ဝတ်ကယ် ညှာတံကြွေမှ
လွဲသွေကြစတမ်း။


ဆိုပြီး စပ်ပေးလိုက်တာ မယင်းတော်ရဲ့အဆိုအငို ပိုင်တာကြောင့်ပါပေါင်းပြီး ဇာတ်ပွဲကြည့်သူ အမျိုးသမီးပိုင်း က အရမ်းကြိုက်သွားကြတော့ မယင်းတော်လည်း နာမည်ပိုကြီးလာတာပေါ့ ။

          အဲလိုနဲ့  တစ်နေ့ မှာ ရုပ်သေးသဘင်ပညာရှင် ဦးသာဗျောက ဦးပုညကို ရုပ်သေးကရာမှာ သီဆိုဖို့  အတွက် ငိုချင်းတစ်ပုဒ် ရေးခိုင်းပါလေရော။ ဦးပုညက အချုပ်တန်းဆရာဖေ ရဲ့  ငိုချင်းကို ဖျက်ပြီး



သည်တည
ညီမနှင့် တန်ရလေ။

နောင်တစ်ညခါမှ
အစ်မကိုပိုလို့ ချစ်မယ်
စိုးရစ်နဲ့ ဆွေ။

ရှုပ်ပလေ
နင့်အမေက တခန်း။

ရင်ဝတ်ဟာ အတန်ကျေမှ
ဖွားအေကိုဖမ်း။


လို့  ကဗျာလှောင် စာချိုးကို ရေးပေးလိုက်တာပေါ့ ။

          အဲဒီ ငိုချင်းဖျက် ဟာ သူတို့ နှစ်ယောက်ရဲ့ကဗျာ စီးချင်းတိုက်ပွဲ ရဲ့  တိုက်ပွဲခေါ်သံ ပဲဖြစ်ပါတော့တယ်။

          အဲလိုနဲ့  အကျိတ်အခဲစဖြစ်တဲ့ အချိန်မှာ ဦးပုည ကို မကြည်ညိုတဲ့  တပယ်မင်းသား အပါအဝင် လူတစ်ချို့ရဲ့အားပေးမြှောက်ပင့် ပေးတဲ့ အတွက်ရော မဟုတ်မခံတဲ့  ဗီဇ အခံကြောင့်ရော စုပေါင်းပြီး အချုပ်တန်း ဆရာဖေက



လောကေ ဟတ္ထေချို့လျှင်ဖြင့်
လူဘို့ မကောင်း။
မန်းကနက်မှာလ

စန်းလက်ဇာတာပြောင်လို့ 
ကဗျာလှောင်နဘေတေးကို
ဆရာယောင် စလေက ရေးတယ်တဲ့ဗျာ
တွေးဆသင့်ကြောင်း။


ဆိုပြီး သာသာနဲ့ နာနာ တွယ်ထည့်လိုက်တာပေါ့ ။ ဦးပုည ရဲ့လက်တစ်ဖက်ချွတ်ယွင်း နေတာကို သွယ်ဝိုက် ထိုးနှက်လိုက်သလို ဖြစ်တော့ အရှိုက်ထိသလိုဖြစ်သွားတဲ့  ဦးပုညက



ခါးတောင်းကျိုက် ပိတုန်းပိတ်ကယ်နှင့်
ကျုံးထိပ်က ငဖေ
ကုန်းပြိတ္တ တစ္ဆေလို
အသရေဟိတ်နွမ်း။
အသွင်နှင့်အမြင်မှန်တယ်
ဘဝင်ခံမဲတဲ့ စိတ်နှမ်း။
မနှိုင်းအပ် မယှဉ်ရာ
နင်ဘာပြုဟော့ ရမ်း
ဝင်ကာခုသော့သွမ်းလို့ 
ကြော့ကြမ်းလိုက်လေတယ်။
ကြောင်းမတန် စောင်းမာန်ခက်
ပြောင်းပြန်ရှက် ရှက်ရချေမယ်။
ဆီးစေ့ နှင့်မြင့်မိုရွယ်သလို
ခင်းဆိုဘွယ် ကြောင်ကြားနှင့်
ဖား ခြင်္သေ့  ရွှေဟင်္သာ
ကျီးနက် ပြိုင်လာ။
နဂါးနဲ့ တီ ပမာလို
ရီစရာ စောက်ရူးမို့ လေး။         ။


လို့  သိပ်ကို ရုန့် ရင်းကြမ်းတမ်းတဲ့ စကာလုံးတွေနဲ့  အချုပ်တန်းဆရာဖေရဲ့ ဥပဓိရုပ်ကိုပါ နှိပ်ထည့်လိုက်တော့ ဒီတေးထပ် ကိုဖတ်မိတဲ့  အချုပ်တန်း ဆရာဖေကို ကြည်ညိုတဲ့  မင်းသားတွေ တပည့်တွေက မခံမရပ်နိုင်ဖြစ်ပြီး ပြန်လည် ပြီး ထိုးနှက် တိုက်ခိုက်ဖို့  မြှောက်ပင့် တိုက်တွန်းကြပါလေရော။



ဆက်လက်ပြောပြပါဦးမယ်။

ကဗျာများအား မူရင်းသတ်ပုံအတိုင်းဖေါ်ပြထားခြင်းဖြစ်ပါတယ်။

ညွှန်း- " အချုပ်တန်းဆရာဖေ " (၁၉၇၇)၊ အငြိမ်းစားမြန်မာစာ ပါမောက္ခ ဦးချမ်းမြ

အားလုံးကိုကျေးဇူးတင်ပါတယ်။

ကညွှတ်နွယ်(ထီလာ)
19082011

Powered by Blogger.

۩ Time ۩

ကညွှတ်နွယ်(ထီလာ)

۩ သိစေချင် ۩

ကညွှတ်နွယ်(ထီလာ) ဆိုဒ်လာလည်ကြသော ရပ်နီး ရပ်ဝေးမှ သူငယ်ချင်းများအားလုံး ပျော်ရွှင်ကြပါစေနော်..

۩ Followers ۩

۩ လာလည်နေသူတွေ ۩

۩ အဖတ်များသော ۩

۩ အကျူဉ်းချူပ် ۩