အင်တာနက် ထဲမှ မောင်းထောင်း သံများ


          ရှေးယခင်အခါတွေက မြန်မာမိန်းကလေးတို့ ဟာ လူငယ်တို့ ဘာသာဘာဝ ရည်းစားအကြောင်း၊ ဟိုအကြောင်းဒီအကြောင်း ၊ သတင်း၊ အတင်း စတာတွေကို ရပ်ရွာ
ဓလေ့ အရ အများပိုင် မောင်းထောင်းဆုံကြီးမှာ စုပေါင်း လုပ်ကိုင် ကြရင်း ပြောကြ ဆိုကြပါတယ်။ အဲလိုပြောဆိုကြတဲ့ အခါမှာ ပြောဆိုချင်တဲ့  အကြောင်းအရာတွေကို ကဗျာ၊ သီချင်း စတာတွေနဲ့  သီကုံး ပြောဆိုလေ့ ရှိကြပါတယ်။

          ဒီခေတ်အခါမှာတော့ မိန်းကလေးတွေဟာ အင်တာနက် ဆိုင်မှာ စုရုံးကြပြီး ဝါသနာပါရာ၊ ဆန္ဒရှိရာ တို့  ကို လုပ်ကိုင်ရင်း ပြောဆိုနေကြပြီပေါ့ ။

          အဲတော့ ကျွန်တော်က ရှေး ခေတ် မောင်းထောင်း ကဗျာ တွေကို ခေတ်သစ် မော်ဒန် နည်းနဲ့  ဘာသာပြန် ရေးဖွဲ့  လို့  တင်ဆက်လိုက်ချင်ပါတယ်။ ပျော်စရာသက်သက်လို့  သဘောထား ပေးကြစေလိုပါတယ်။

သူငယ်ချင်းတို့ ဖတ်တဲ့ အခါမှာ ကွဲပြားအောင်လို့  ကျွန်တော်က မူရင်းကဗျာတို့ ကို အပြာရောင်နဲ့ ခြယ်ပေးထားပြီး ကျွန်တော့ရဲ့မော်ဒန်ဘာသာပြန်ကဗျာကိုတော့ အစိမ်းရောင်နဲ့  ခြယ်ပြီး ခွဲခြားပေးထားပါတယ်။

၁။
လက်ဆုံတွေချပါလို့  ၊ ဟန်ကျအောင်စီ ။
ရွှေနောင်သူ အပျိုအပေါင်းရယ် ၊ မောင်းကျောက်ကိုချီ ။
ချိုကျူးငယ်သီ ၊ ညီအောင်ပအချက်ပေး ။
ပျော်ရွှင်ရွှင်ယဉ်ယဉ်တွဲပါလို့  ၊ နွဲကြစို့ လေး ။

ကီးဘုတ်ပေါ် လက်တင်လို့ ၊ ရိုက်မယ်လို့ ပြင်။
On line သူ Chatting မယ်တို့ ၊ လက်ကွက်ကိုနှင်။
VZO တွင်၊ မြင်အောင်ပ မနှေး။
သုတစုံ စိတ်ပန်းဖြေဖို့ ၊ စက်ဖွင့်စို့ လေး။ 

၂။
ဟိုရှေ့ကဆူညံဆူညံ၊ ဘာသံလို့ မေး ။
မေးပါနဲ့ အေ
ရွှေနောင်သူအလှူပေးတယ် ၊ မောင်းသံတဲ့ လေး ။

ဟိုရှေ့ က ဆူညံညံ၊ ဘာသံလဲမေး။
မေးပါနဲ့ အေ၊
ဂိမ်းကောင်တွေ ကမြင်းကြတယ်၊ “ဒိုတာ” တဲ့ လေး။ 

၃။
ဟိုရှေ့က နီရွှေရွှေ ၊ နေထွက်ပြီလေး ။
ဟုတ်ပါဘူးအေ
ဖန်ဆွတ်ရေသင်္ကန်း ။
ရဟန်းတွေဆွမ်းခံကြွတယ်၊ လောင်းလာကြစမ်း။

ဟိုနားက ဝါဝါထိန်၊ မီးအိမ်လားမေး။
ဟုတ်ပါဘူးအေ၊
သင်္ကန်းတွေတဖားဖားနဲ့ 
ကိုယ်တော်များ Internet ကို၊ ဝင်စွက်တာလေး။ 

၎။
ပျိုလေးယက်တဲ့ ယက္ကန်းစင်၊ ဘာဆင်လို့ မေး ။
မေးပါနဲ့ အေ
တို့ တတွေ ချွေတာခြင်းကြောင့်၊ တင်းတိမ်တဲ့ လေး ။

သူငယ်ချင်းဝတ်တဲ့  စကပ်တို၊ ဘယ်နှစ်ကျပ်တန်လဲမေး။
မေးပါနဲ့ အေ၊
ငါ့ အမေ နေ့ ပြန်ပေးလို့ ၊ အဖိုးတန်ရဲ့ လေး။ 

၅။
မီးတိုင်နှင့်တထိန်ထိန်၊ ကျွန်းပျဉ်ထောင်အိမ် ။
မိဘရဲ့အရှိန်၊ ဂုဏ်သိန်ကမသေး ။
ပျို့ထံကိုလာရန်ကြောက်ရင်၊ ချောထောက်ခဲ့ လေး ။

တိုက်တာက မှန်လုံ၊ ခြင်လုံကာ အအေးခန်းနဲ့ ၊ နေစမ်းလှချင်။
သို့ ပေမယ့် ရှင်၊ အမြင်မှာ မတင့်။
ငါ့အိမ်ကိုမလာလည်နဲ့ ၊ ဧည့်ကြောက်သည်ရှင့်။

၆။
ယိမ်းယိုင်တဲ့ ယိမ်းယိုင် ။
ပျို တို့ မောင် ဆောင်တော်ထပ်က၊ ဘိန်းပြတ်လို့ မှိုင် ။
မမှိုင်ပါနဲ့  ရွှေရောင်စောင်း ။
ပျိုပန်တဲ့ စိန်နားတောင်းကို၊ ဖိုးဆိုလို့ ရောင်း ။

ယိမ်းလို့ ရယ်ယိုင်၊
ငါ့ ဘဲနာ ဘီယာ မူးလို့ ၊ ဒူးခေါင်းမနိုင်။
နိုင်စေချင်ရဲ့  အချစ်လေး။
နောက်တစ်ခါ မမျိုခဲ့ နဲ့ ၊ ဆိုဆဲချင်သေး။

၇။
အောက်ပြည်စုံပျို့မောင်လှ၊ မှာလိုက်ရမယ် ။
မယားရရင်မလျော်ခဲ့ နဲ့ ၊ ခေါ်ခဲ့ ပါကွယ် ။
အိမ်ထောင်ဝယ်၊ လုပ်ဆောင်ဖွယ်အရေး ။
ထင်းခွေရေခတ်နှင့်
ဆန်ဖွပ်ပါနေရာတိုင်းမှာ၊ ခိုင်းလိုက်မယ်လေး ။

On line ပျော် မေ့ ချစ်ဦး၊ အထူးပဲ ပြောမယ်။
ရည်းစားတွေမှိုလိုပေါက်ရင်၊ အရောက်ခေါ်ခဲ့ ကွယ်။
စကပ်နဲ့ ထမီရယ်၊ ဘောင်းဘီနဲ့ ခံအတွင်း။
လျှော်ခိုင်းပြီး ညနေစောင်းလို့ 
မေညောင်းရင်လှဲအိပ်ပေးမယ်၊  နှိပ်လို့ ရယ်နင်း။

၈။
ပိန်းဖိနပ်တဲ့ အနီထည်၊ စီးမယ်လို့ ဝယ် ။
ခုနှယ်ခါမစီးသေး ။
မောင်နှင့်မယ် တကယ်ရမှ ၊ စီးပါ့ မယ်လေး ။

ပါးဟိုက်ဟိုက် မေ့ အင်္ကျီ၊ ဝတ်ဖို့ အတည်၊။
ခုဒီချိန် မဝတ်သေး။
မောင်နဲ့ မေ ချိန်းတွေ့ ကာမှ၊ ဝတ်ပါ့ မယ်လေး။

၉။
ဟိုးနားက ယောင်ပေယောင်ပေ၊ သားတစ်ယောက်အဖေ ။
ခေါင်းပေါင်းစရှေ၊ ဟန်နေက ကြော့  ။
လူပျိုပုံလာမလုပ်နဲ့  ၊ ရွာရှုပ်တယ်တော့ ။

ဟိုနားက ကိုမှန်ကြောင်၊ မိန်းမနဲ့ ကောင်။
မျက်နှာကပြောင်၊ ကြောင်တောင်တောင် သူ့ အခွက်။
On line မှာလာမရှုပ်နဲ့ ၊ နှင်ထုတ်မယ်ထွက်။

၁၀။
ခေါင်းပေါင်းစ ရှေရှေချလို့ ၊ မိန်းမလှကိုရှာ ။
ချောင်းကြည့်ပြုံးပြန်နှင့်
အတန်တန်ဟန်တွေလုပ်ပေမယ့် ၊ ကျိုးယုတ်မည်သာ ။
ကိုဟဝါ ၊ လိုတာကိုမရ ။
ပျို့အိမ်မှ ခွေးပိန်မနှင့် ညားစေ့ မယ်ပ ။

ဂျယ်လိမ်းကာ ဆံကိုထောင်လို့ ၊ ဖွန်ကြောင် ဖို့ လာ၊
အကြောလိုက်ကာ မျက်စေ့ မှိတ်လို့ ၊
ကြိတ်ပိုးသူ ဂိုက်ပေးကြမ်းတယ်၊ စမ်းကြည့် လေကွာ။
ငနာကောင်၊ သေတာတောင် မမျှော်မှန်းနဲ့ ။
ဈေးလမ်းက ခွေးဖြူမ ကို၊ ယူလိုက်ပါကွဲ့။

၁၁။
အောက်သားတွေလာ၊ ဖျာစုတ်ကိုခင်း ။
သုံးတောင်ထွာခုံဖိနပ်နှင့် ၊ ရင်ဘတ်ကိုနင်း ။

တဏှာရူးတွေလာ၊ ဒီမှာကွယ် ပက်လက်လှဲ။
သုံးလက်မကျော် ဒေါက်ရှည်ဖိနပ်နဲ့ ၊ ပါးစပ်ကို ဖြဲ။

၁၂။
အောက်သားတွေ
ရှမ်းပြည်မှာလေလွင့်လို့ ၊ ပြန်ခွင့်မရ ။
ဆန်အစေးငယ်နှင့်
ကြေးမသင်ငါးပိခါးကို၊ စားလို့ မဝ ။

တဏှာရိုင်းးတွေ
On line မှာလေလွင့်လို့ ၊ စိတ်ထင့်နေရ။
ကော်နက်ရှင် လိုင်းမတက်တာနဲ့ ၊
တစ်နာရီ လေးရာ တောင်းလေတော့၊ ညောင်းလိုက်ပါကွ။

၁၃။
တန်ကြစို့ အေ၊ ပြန်ကြဖို့ အရေး ။
တို့ မွေးမေ ရွှေလည်မော့ လို့  ၊ မျှော်ရော့ မယ်လေး ။

တာ့တာ တော့အေ၊  ငါ့မှာတော့မအေး။
အိမ်ကလူ ဂျစ်မတိုက်ခင်၊ လစ်လိုက်စို့ လေး။



သူငယ်ချင်းတို့  စိတ်ပျော်ရွှင် ကြပါစေ။
သူငယ်ချင်းတို့ အနေနဲ့ လည်း မူရင်းကဗျာများကို ဖတ်ရှုပြီး ခံစားမိသလို ရေးဖွဲ့  ခဲ့  ကြစေလိုပါတယ်။

သူငယ်ချင်းအားလုံးကိုကျေးဇူးတင်ပါတယ်။

         မူရင်းမောင်းထောင်း ကဗျာများသည် ၁၉၅၉ ၊ ဇန်နဝါရီလ၊ စာပေဗိမာန် မဂ္ဂဇင်း အတွဲ(၇)၊ အမှတ်(ဂ)မှ ဖြစ်ပါသည်။


ချစ်သူ့ နာမည်


          ကျွန်တော်တို့  ခေတ် ကာလမှာ ကိုယ့် ချစ်သူ ရည်းစားကို တင်စားပြီး ချစ်စနိုးနဲ့  ခေါ်နေကြတဲ့  အမည်လေးတွေ ရှိပါတယ်။ တစ်ချို့က အဖျားဆွတ်ခေါ်မယ်၊ တစ်ချို့ က သီးသန့်  ဝေါဟာရနဲ့ ခေါ်ကြမယ်။ ကျွန်တော်ကတော့ ကျွန်တော့ ချစ်သူကို "ချာတိတ် "လို့ ခေါ်ပါတယ်။ ဟီးဟီး။ သူကတော့ ကျွန်တော့ကို "မောင်" တဲ့ ။ စိတ်မဆိုးကြပါနဲ့  ကြုံတုန်း ကြော်ငြာ ဝင်လိုက်တာပါ။ အဲလို မျိုး သူငယ်ချင်းတို့ လည်း  ခေါ်နေကြ ၊   ခေါ်နေဆဲ၊ ခေါ်ဖူးခဲ့ ၊ ခေါ်လတ္တံ့ ဖြစ်ကြမှာပါ။

          အဲလို ချစ်စနိုးခေါ်နေခဲ့ ကြတာ အခုမှမဟုတ်ပါဘူး။ ဟိုးးးးးးး ရှေးး တုံးကတည်းက ခေါ်ဆိုလာခဲ့ ကြတာပါ။ အဲဒိလို ခေါ်ဆိုခဲ့ ကြတဲ့  အမည်ပေး ရည်ညွှန်းခဲ့ ကြတဲ့  အမည်လေး တွေကို ပြောပြချင်လို့ ပါ။

          ရှာကြည့်မယ်ဆိုရင်တော့ မြန်မာ တို့ ရဲ့  စာပေ သမိုင်းမှာ ဒါမျိုးတွေ ထုနဲ့ ထည်နဲ့  တွေ့ ကြရမှာပါ။ လောလောဆယ်တော့ ကျွန်တော်က ရတုဘိုးအေ ရှင်မဟာရဋ္ဌ သာရ ရယ်၊ ရတုဘုရင် နတ်ရှင်နောင် နဲ့  ရသကိုးပါးစလုံးပေးစွမ်းနိုင်သူ လို့ အမည်ရတဲ့  နဝဒေး တို့ ရဲ့  ရတုတွေထဲမှာ သူတို့ နဲ့ ပါတ်သက် ကျွမ်းဝင်ခဲ့ တဲ့  ချစ်သူရည်းစားတို့  ကို ခေါ်ဝေါ်သုံးနှုံးထား ပုံ အမည်လေးတွေကို ပြောပြချင်ပါတယ် ။ ရှင်မဟာရဋ္ဌသာရ ကိုယ်တော်ကြီးကတော့ ရဟန်း သူမြတ် ဖြစ်လေတော့ ငယ်ရွယ်စဉ်က သာ ချစ်မေတ္တာ အကြောင်းအချင်းရာတွေကို ရေးဖွဲ့ ခဲ့  တဲ့ အတွက် ဝေါဟာရ နာမည် နည်းပါးပါတယ်။

သူငယ်ချင်းများ ယှဉ်တွဲ နှိုင်းဆ ပြီး ခံစားကြည့်ကြပါခင်ဗျားးးးးးး

နဝဒေး                      ရှင်မဟာရဋ္ဌသာရ                     နတ်ရှင်နောင်

ရှင်နှောင်း                                                          ရှင်နှောင်းနွဲ့ညို
                                                                      ညိုနွဲ့နှောင်း
                                                                      နတ်နှောင်း
                                                                      ပြာနွဲ့နှောင်း
                                                                      နှောင်းမြညိုမွတ်
ချစ်ထွတ်တင်                                                      ချစ်ထွတ်တင်
လှများပန်း                                                         လှပန်ပန်း
                                                                      လှများစံ
လှခေါင်မိုး                  လှခေါင်မိုး                             စံထက်တံဆိပ်
လှခေါင်ထိ                                                         လှခေါင်ထိပ်
                                                                      လှခေါင်နေ
ဖြူဝင်းရွှန်း                 ဝင်းငြိမ့် ရွှန်း                            ပြာလဲ့ ရွှန်း
လှငြိမ့် ရွှန်း                                                         ဖြူနွဲ့ရွှန်း
                                                                       ဝင်းငြိမ့် ရွှန်း
                                                                       သရေရစ်ထွန်း
                                                                       နွဲ့ ငြိမ့် ရွှန်း
ညိုပြာသန့် ရှင်း                                                    ပြာခြည်နွဲ့ ရှင်း
လှမှန်ကင်း                                                         လှမှန်ကင်း
မြူစောဝင်းရွှန်း                                                      ညိုရောင်သွယ်ရွှန်း
လှကြငှန်း                                                           လှကြငှန်း
နောင့်သက်နှင်း                                                     သက်နှင်း
နောင့်သက်မှတ်            ထွန်းသက်မှတ်                         ကျွန်ုပ်သက်
ပြာရှင်းနွဲ့မွတ်                                                      လှနေများထွတ်
နောင်သက်မှတ်                                                     နောင်သက်မှတ်
ဝင်းညိုမွှေးမွတ်                                                      ပြာလတ်နွဲ့ ချော
ပြာလတ်နွဲ့ချော                                                    နတ်နှင့်လျှော
လှမှန်ကူ                                                              နန်းမြင့်သူ
ဖြူထွတ်ဝင်း                ရွှေရောင်ဝင်း                           ပြာထွတ်ဝင်း
သွယ်နွဲ့ညို                                                           ဆင်းပြာညို
ချောညို ပြစ်လွင့်                                                    ပြစ်မျိုးဝေး
ဝင်းညိုမွတ်                 ဝင်းညက်ကြည်း                        ဝင်းနွဲ့ မွတ်
ဝင်းရွှန်းညို                                                           ရွှေသားမြလျှံ
                                                                         မွတ်ညက်စံ
မျိုးယဉ်နွဲ့                  မြတ်မျိုးမြင့်                            မျိုးမြင့်စံတင့်
                                                                        မျိုးဘုန်းမြင့်
ပြာချောမြေ့                                                       ချောနွဲ့ရောင်မြေ့
နောင်မြခက်                                                        နောင်မင်းကြင်
ပြာလတ်နွဲ့မွှေး                                                    ဖြူမွတ်မွှေး
ချောငြိမ့် လေး                                                      လှငြိမ့် လေး
                                                                      နွဲ့ညွှတ်ငြိမ့် လေး
ဆင်းငြိမ့် လေး
မွတ်ထားငြိမ့် လေး
                               ညိုရောင်စု                          ညိုမွတ်လှ
                                                                   မွတ်မွတ်လှ
                                                                   ဆင်းရောင်ငြိမ့် 
                                                                   နှစ်ယောက်မပြိုင်
                                                                   မြရည်စိုင်
                                                                   နောင် သခင်
                                                                    နေကြာလှ
                                                                   လှနေကျ
                                                                   ဘုံမြင့်နန်းသူ
                                                                    မည်သူမထိုက်
                                                                    လှမကိုဋ်


          ရှေးခေတ် အခေါ်အဝေါ် တစ်ချို့ က ကျွန်တော်တို့ အဖို့  ပြုံးချင် လှောင်ချင်စရာ တောနံ့  နံ တယ်လို့ ထင်စရာပါ။ သူတို့ ခေတ်မှာတော့ အဲဒိ အမည်တွေဟာ မော်ဒန် အဖြစ်ဆုံး ဝေါဟာရတွေဖြစ်နေမှာပါ။ ဒါပေမယ့်   တစ်ခုလောက် စဉ်းစားကြည့်မယ်ဗျာ အကယ်၍ များ နောက် ထပ် နှစ်ပေါင်း (  ၅၀၀ ) လောက်ရောက်ခဲ့ ရင် အခု ကျွန်တော်တို့  ခေါ်ဆိုသုံးနှုန်း နေကြတဲ့  နာမည် ဝေါဟာရတွေဟာ အဲဒိခေတ်မှာ ဟားစရာများ ဖြစ်နေမလားပေါ့ ။


          သူငယ်ချင်းတို့ လည်း ကိုယ့် ရဲ့ ချစ်သူရည်းစားကို (အရင်က)ဘယ်လိုခေါ်ခဲ့ ၊ (အခု)ခေါ်ဆဲ၊ (နောင်မှာ ချစ်သူရခဲ့  ရင် ဘယ်လိုခေါ်မယ်ဆိုတာ ကြိုတင် စိတ်ကူး ထားတာရှိရင်) ခေါ်လတ္တံ ဆိုတာတွေကို ပြောပြခဲ့  ကြပါဦးနော်။

သူငယ်ချင်းအားလုံးကို ကျေးဇူးတင်ပါတယ်။

ကိုးကား- စာပေ အင်အား၊ ၁၉၇၀၊ မတ်လ။

နင်နဲ့ ငါ

နင်နဲ့ ငါ
ကဗျာ စာ ပိုးတွယ်တာချင်းလည်းမတူ
ဝါသနာ မျိုးနွယ်တာချင်းလည်းမတူ
ဘာသာကိုးကွယ်တာချင်းလည်းမတူ

နင်နဲ့ ငါ
မေဂျာ ရွေးချယ် တာမှာလည်းကွာတယ်
စေတနာ ဆေးခြယ် တာမှာလည်းကွာတယ်
ဝေဒနာ အတွေးကြွယ် တာမှာလည်းကွာတယ်

နင်နဲ့ ငါ
ဘဝ ကြီးပြင်းလိုက်ခဲ့ ကြတာလည်းမတူ
ဘဝ စီးချင်းတိုက်ခဲ့ ကြတာလည်းမတူ
ဘဝ မီးပြင်းမြှိုက် ခဲ့ ကြတာလည်းမတူ

နင်နဲ့ ငါ
ထမင်းဟင်း အစားကြိုက်တာချင်းလည်းကွာတယ်
အတင်းအဖျင်း စကားကြိုက်တာချင်းလည်းကွာတယ်
သတင်းပလင်း နားစိုက်တာချင်းလည်းကွာတယ်

နင်နဲ့ ငါ
ညှို့  မျက်နှာ ပြုံးရယ်တာချင်းလည်းမတူ
လျှို့ ဝှက်ကာ ဖုံးကွယ်တာချင်းလည်းမတူ

နင်နဲ့ ငါ
စိတ်အနေ ထားတာချင်းလည်းကွာတယ်
မိတ်ဆွေ များတာချင်းလည်းကွာတယ်

နင်နဲ့ ငါ
မိသားစု ဇာတ်အထာချင်းလည်းမတူ
ဖိအားထု ပြဿနာ ချင်းလည်းမတူ

နင်နဲ့ ငါ
အတွေးအမြင် အနံအလျားမှာလည်းကွာတယ်
အဆွေးဘဝင် ခံစားတာလည်းကွာတယ်

နင်နဲ့ ငါ
အကွက်ရှာ အပြစ်မြင်တာချင်းလည်းမတူ
တစ်သက်စာ ချစ်ချင်တာချင်းလည်းမတူ

(ဒါတွေကြောင့်ပေါ့ )

ရေးသူကိုမမှတ်မိ
ထပ်ကြည့်ဖို့ က ရှာမတွေ့ 
ငါတွေ့ ပဲထားလိုက်ပါတော့ ဟာ။
( ဦးချစ်ကောင်းနဲ့  SAI လို )
ရှေးရှေးတုံးက ကဗျာတစ်ပုဒ်
အသာထုတ်လို့ အသက်သွင်း
လက်ငင်းသာ ဖတ်ကြည့်
ဟတ်ထိကာ အဖြေရှာ တွေ့ စေတော့
စေတနာ၊ ဒီကဗျာ လက်ဆင့်ကမ်းလိုက်မယ်
တွက်ချင့်ကြည့်စမ်း ချစ်သူရေ -

သမဂ္ဂါနံ၊ တပေါ၊ သုခေါ

လူ့ စရိုက်
သူ့ အကြိုက်နှင့်သူ ။

အယူအဆ
အတူတကွ ညှိနှိုင်းလို့ ယူ ။

သို့ မဟူ
တို့ ချစ်သူအများ ။

အကျိုးကိုကွက် ချစ်ရှာသူနှင့်
အဆိုးကိုတွက် ပစ်ခွာသူတို့ 
မေတ္တာကို ဆေးရောင်ဆိုးလျှင်ဖြင့်
ဘေးအမှောင်ဆိုးဝိပါက်ဆိုတာတော့ 
(လွမ်းရင်းနဲ့ )
သိမှတ်စေသား ။      ။


ကဲ
ဖတ်ပြီးပြီဆိုရင်
အငြင်းစကားတွေ ချန်ရစ်လို့ 
အချင်းများကာရန်ဖြစ်တာတို့ 
စဉ်းစားကာ ပြန်ချစ်ကြစို့ 

တို့ 

နင်
နဲ့ 
ငါ့့့့့့့့့့့ 

ကိန္နရီ ကိန္နရာ-၂


တစ်ထည်ရုံ တစ်ထည်ဝတ်
ပန်းခါးပုံစာ၊ ပန်းလည်ကြာနှင့်
ပန်းလွှာပန်းတက်၊ ပန်းဘယက်သည်
ပန်းခက်ပန်းလက်စွပ်နှင့်
ပန်းလည်ဝတ် ပန်းဒါလီ
ပန်းစိန်ခြူးအုံ
ပန်းစီးပုံသည်
မွှေးထုံကိုယ်လုံးအီမျှ ။


                                                             မန်လည်ဆရာတော်ဘုရားကြီး
                                                              စန္ဒကိန္နရီ ရတု ပိုဒ်ရေ( ၁ )



          ဆရာတော်ကြီးက ကိန္နရာ တို့ ရဲ့အသွင်အပြင်ကို ရေးဖွဲ့ ပြထားတာကိုဖတ်မိတော့ ကျွန်တော် မြင်ယောင်မိပါတယ် ပန်းဝတ်မှုံကိုစား၊ ပန်းဝတ်ရည်ကိုသောက်၊ ပန်းပွင့်ချပ်ကို အထည်လုပ်ပြီး ပန်းဝတ်လွှာ ပန်းအဆင်တန်းဆာတွေနဲ့  ရှုမဝအောင် လှနေမယ့်   ကိန္နရီ ကိန္နရာ လေးများရဲ့ အသွင်က ဘယ်လောက် လှပပြီး ကျက်သရေရှိနေမလဲလို့လေ။



          အရင်စာမျက်နှာတွေရဲ့အဆက် ပေါ့ ဗျာ ကိန္နရီ ကိန္နရာ တွေနဲ့ ပါတ်သက်လို့ လက်ကျန် အတွေးတွေကို ဆက်ပြီးပြော ပြချင်လို့ ပါ။



          ကိန္နရီ ကိန္နရာ တို့ ဟာ မြစ်ချောင်း ရေကန်တို့ မှာ ကျက်စား မြူထူးကြကြောင်း ကို စာပေသမိုင်း တွေမှာ တွေ့ ကြရမှာပါ။  ရှားရှားပါးပါး မြန်မာ ပြည်တွင်းမှာ ကိန္နရီ ကိန္နရာ တို့ ပျော်မြူးကျက်စားခဲ့ တဲ့  ရေကန် နှစ်ကန်အကြောင်းကို ကြားဖြတ် ပြောပြချင်သေးတယ်ဗျ ။ ဒီအချက်ကလည်း ကိန္နရီ ကိန္နရာ တွေ ရှိမရှိ အထောက်အထား တစ်ခုဆိုရင်လည်း မမှားပါဘူး။



          ကယားတို့ ဌာနီ ငွေတောင်ပြည် ဟောင်းမှာ ကိန္နရီ ကိန္နရာ တို့  ကျင်လည်ပျော်မြူးခဲ့ တဲ့  ဒွေးမယ်နော် ကန်ကတော့ အားလုံး သိပြီးသားအတိုင်း အခု အချိန်ထိ ရှိနေတုံးပါ။



          နောက်တစ်ကန်ကတော့ မြန်မာပြည်ရဲ့တန်ခိုးကြီး ဘုရားတစ်ဆူဖြစ်တဲ့  မြတ်မော်တင်ဘုရား အနီးနားမှာလဲ “နတ်ကန်” လို့ ခေါ်တဲ့  ရေကန်မှာ ရှေးတုံးက နတ်နဂါးများ၊ ကိန္နရီ ကိန္နရာ များ ရေချိုး ပျော်ပါးခဲ့  ကြဘူး ကြောင်း ပညာရှိများ ပြောလို့ သိရပါသေးတယ်။



          အဲဒိကန်မှာ ကြာဖြူတွေပဲ ပေါက်တယ်တဲ့ ဗျ။  ပြီးတော့ အဲဒီကန်က ရေကို ချိုးရင် နူနာ ရောဂါ ဝေဒနာရှင်များ ရဲ့ ရောဂါပျောက်ကင်းတယ်ဆိုပြီးလည်း ကြော်ကြားပါတယ်။



          မော်တင်စွန်း ဘုရားအနီးမှာရှိတဲ့  ရှေးဟောင်း ရေကန် ငါးကန် မှာ ဒီကန်လဲ တစ်ခု အပါအဝင် ဖြစ်ကြောင်းကို ဧရာဝတီတိုင်း၊ ငပုတောမြို့နယ်၊ ဆံတော်ရှင် မြတ်မော်တင် စေတီသမိုင်း ( ၁၉၇၉-ခု ဓမ္မဓါန ) စာအုပ်၊ စာမျက်နှာ ( ၆၇ ) မှာဖေါ်ပြထားတယ်တဲ့ ဗျ။



         အရင်ပို့ စ် မှာတင်ပြခဲ့တဲ့ သလ္လာဝတီမြစ်မှာ မျော လာတဲ့  ကိန္နရာ တစ်ကောင် အကြောင်းကို တော့



နတ်ကိန္နရာ၊ ဟေဝန္တာက
ချိန်ခါရေဦး၊ မျောလာဘူးဟု
ချီးကျူးကျေညာ၊ ထင်ရှားစွာသား
သလ္လာဝတီ၊ ရေသီတာလျှမ်း
ထိုမြစ်ကမ်းမှ


ဆိုပြီး ဝိနိစ္စယပကာသနီ ဓမ္မသတ်လင်္ကာ၊(နိဂုံး) မှာ ဖေါ်ပြ စပ်ဆိုထားတာကြောင့် ဟံသာဝတီရောက်မင်းတရား စာတမ်းမှာ ဒီအကြောင်းဖေါ်ပြခဲ့ ဘူးတာကို သက်သေ လိုက်ပေးသလိုဖြစ်နေလို့  သမိုင်းအဖြစ်အပျက်တွေကို မှတ်တမ်း တင်ခဲ့ ကြတဲ့  ရှေးစာဆိုတွေကို လေးစား ကြည်ညိုစိတ် ဖြစ်ပေါ်မိလိုက်စေပါတယ်။



          စန္ဒကိန္နရီ ဇာတ်ကိုတော့ လူတိုင်းနီးပါး ကြားဖူးပြီးသားဖြစ်ကြမှာပါ။ မန်လည် ဆရာတော်ဘုရားကြီး ရဲ့ မာဃဒေဝ လင်္ကာမှာ



သစ္စာနှုတ်သီး
မန္တာန်ကြီးကား
သေပြီးသော်မှ
ရှင်ပြန်ရ၏



လို့  သစ္စာတရားရဲ့အစွမ်း သတ္တိကို ဖွဲ့ဆိုပြထားပါတယ်။



          ချစ်မေတ္တာဇာတ်လမ်းတွေမှာ ဂန္တဝင်တွင်ခဲ့ ပြီး ချစ်သူရည်းစားတွေနဲ့  ဇနီးမောင်နှံ စုံတွဲတို့  စိတ်ထား ကြည်ဖြူ ကြပြီး ချစ်ကြိုးခွေဆက် မေတ္တာ မပျက် အတုယူနိုင်ဖို့ ကတော့ တွင်းသင်းမင်းကြီးရဲ့ဘလ္လာတိယ ပျို့မှာ



မယွန်းသစ္စာ၊ ကန္နရာလို
ကြင်နာစုံမက်၊ တစ်ညတွက်ကြောင့်
သက်ခုနှစ်ရာ၊ ပူဆာမိန်းပြတ်
ငိုအားသတ်သား၊ မိန့် လွှတ်သံနက်
နှုတ်ရွှေထွက်ကို၊ အချက်ကျကျ
အရအမိ၊ နှိုင်းရှိဆင်ခြင်
မော်ကွန်းတင်ရှင့်
သောင်းပြင်ဇမ္ဗူ၊ မိတ်ဆုံသူတို့ 
သည်တူနိုးနိုး၊ နည်းယူခိုးလျှက်
ချစ်ကြိုးမပြတ်၊ ဆင့်ဆင့်ပတ်၍
ကြင်မြတ်လေးကြစေသတည်း။



ဆိုပြီး တစ်ညတာ ခွဲခွာရတာကို နှစ်ပေါင်း ခုနှစ်ရာ လွမ်းမဆုံး ဆွေးမဆုံးဖြစ်ရရှာတဲ့  ကိန္နရီကိန္နရာ တို့ ရဲ့ မေတ္တာတရား ကို ဖွဲ့ကျူးပြထားပြီး နောက်နှောင်းလူတို့ နည်းယူ စံထား နိုင်ဖို့ သတိပေးထား တာကို တွေးကြည့်မိတော့



          ကိန္နရီကိန္နရာ ငှက်မောင်နှံ တို့ သစ္စာနဲ့ မေတ္တာကို ကိုယ်စားပြု ပြီး အချစ်ကို သရုပ်ဖေါ်ပြထားတာက နှောင်းခေတ်လူတွေအဖို့  ဘယ်လိုချစ်ရမယ် ဆိုတဲ့ ချစ်ခြင်းမေတ္တာတရားကို လမ်းညွှန် မှု ပြုခဲ့  လိုက်သလို ၊ ကျွန်တော်တို့ အနေနဲ့ လည်း  ဘဝအမော၊ သောကအတွေး တစ်ပုံတစ်ပင် နဲ့  ငေးနေကြသူချင်း အတူတူ တစ်ဦးနဲ့ တစ်ဦး အကြင်နာ မေတ္တာ ထားကြပြီး လောက ကို သစ္စာအလှ ဆင်နိုင်ကြမယ် ဆိုရင့့်



လို့ တွေးနေရင်း ဒီစာမျက်နှာကို အဆုံးသတ်လိုက်ရပါတယ်ခင်ဗျားးးးးးးးးးး။        


ညွှန်း-          (၁) မြန်မာ့ စွယ်စုံကျမ်း

                 (၂) မြန်မာစာညွှန့် ပေါင်းကျမ်း
                 (၃) ကိန္နရီ ကိန္နရာ၊၁၉၉၃ ၊ စိတြ


အခြေအနေပေးရင် ထပ်တွေးမိနေတာတွေကို ပြောပြချင်ပါသေးတယ်။

ကညွှတ်နွယ်(ထီလာ)
14062011



ကိန္နရီ ကိန္နရာ


သူ့ ခါးတင်နှင့်၊ သူ့ ရင်သူ့ နဖူး
သူ့ ပါးကပြောင်၊ သူ့ မျက်တောင်သည်
ညွှတ်ရောင်ကော့ဖြူးဖြူးနှင့်
မြင်သူမူးမျှ
ကြည်နူးဖွယ့် သူ့ မျက်နှာ
လဆန်းသုံးရက်၊ လရေးစက်သည်
ထွန်းတက်ဆန်းပေါ်လာသို့ 
မူခရာသည်
သူဇာနတ်အတူ၊ လူကိုယ်လူလက်
လူမျက်ခွက်သည်
လူငှက်မြိုင်နန်းသူတည်း ။

                                                                မန်လည်ဆရာတော်ဘုရားကြီး
                                                                စန္ဒ ကိန္နရီ ရတု၊ ပိုဒ်ရေ ( ၆ )


          ကျွန်တော့သူငယ်ချင်းတစ်ယောက်က ကယားပြည်က ဆိုတော့ သူ့ ကိုသတိရတိုင်း ကယားပြည်ကို ပါ ယှဉ်တွဲပြီး မြင်ယောင်မိတာပေါ့ ။ ကယားပြည်ဆိုတာနဲ့  ငွေတောင်ဆည်၊ ငွေတောင်ပြည်ဟောင်း၊ ဒွေးမယ်နော် ဇာတ် အဲဒါတွေပါ တဆက်တည်း တွေးမိလာတော့ ကျွန်တော် ဖတ်ခဲ့ ဖူးတဲ့  ကိန္နရီ ကိန္နရာ တို့  အကြောင်း ရေးထားတဲ့  စာအုပ်လေးကို အမှတ်ရပြီး ဒီစာမျက်နှာတွေကို ရေးဖို့  အတွေးရလိုက်မိတာပါ ခင်ဗျားးးးးး။


          ကိန္နရီ ကိန္နရာ တို့ နဲ့ ပါတ်သက်ပြီး ဖတ်မိသလောက် တင်ပြရရင် သိပ်ရှည်သွားမှာက သေချာတော့ သူတို့  အကြောင်း ကို ကျွန်တော် နှစ်ပိုင်းခွဲလိုက်ပါတယ်။ တစ်ပိုင်းကိုတော့ ပြီးခဲ့ တဲ့  ပို့ စ်မှာ  ကြိုပြီး တင်ပြ ထားပြီးပါပြီ။ အခု ကျန်တဲ့ တစ်ပိုင်းကတော့ ကိန္နရီကိန္နရာ တို့ နဲ့ ပါတ်သက်ပြီး သူတို့ အကြောင်းတွေကို တွေးမိသမျှကဗျာ များနဲ့  ယှဉ်တွဲပြီး ပြောပြမှာဖြစ်ပါတယ်ခင်ဗျားးးးး။


          ကိန္နရီ ကိန္နရာ ဆိုတာဘာလဲ၊ တကယ်ရှိလား၊ ဘယ်လိုပုံသဏ္ဍာန် လဲ ဆိုတာတွေကို အရင် ပို့ စ်မှာ ပြောပြပြီးပြီဆိုတော့ ဒီမှာ တော့ သူ တို့ နဲ့ ပါတ်သက်တဲ့  စကားတန်းဆာ တွေကို စပြီး ပြောပြချင်ပါတယ် ။

အမရာ ကန္နရီ မဒ္ဒီ သမ္ဘူလ တော်လေးဝ
ရွှေကိန္နရီ လှဟန်ချီသို့ 
လူ နှယ်ဆင်းဝါ ကိန္နရာ
ငါးကြန်စုံညီ ကိန္နရီ
ကိန္နရီနှယ် တင့်စံပယ်
ကိန္နရာ မောင်နှံ တောင်ပံယှက်သကဲ့ သို့ 
ရွှေကိန္နရီလား သူဇာလား
နတ်ကိန္နရီ ကွေးကွေးချီလျှက်
အလှသိင်္ဂါ ကိန္နရာ
မယ်ကိန္နရီ ၊ နတ်ပီယိုးဆွယ်၊ လှမျိုးကြွယ်

နောက်ထပ်လည်း ရှိဦးမှာပါ။ ကျွန်တော်တွေးမိသလောက် သိသလောက်ပဲမို့  သူငယ်ချင်းတို့ ထပ်ပြီး ဖြည့်စွက် ပေးနိုင်ကြမယ်ဆိုရင် ပိုပြီး ပြည့်စုံသွားမယ်လို့  ထင်ပါတယ်။ ကိန္နရီ ကိန္နရာတို့ ရဲ့ အလှ အပ ကို ကဗျာလေးတွေနဲ့  ဘယ်လို ဖွင့်ဆိုပြထားတာကို  ပြောပြရမယ်ဆိုရင်

စုလည်းပတ်ခွေ၊ ထုံးမြိတ်ပြေနှင့်
တိမ်ခြေမိုးလက်၊ ယုဂန်ထွက်ဝယ်
အမြတ်မှန်းထား၊ ဂြိုဟ်ရှစ်ပါးတွင်
လူများမျက်စိ၊ ရဝိပါပ
သူရဇ္ဇဟု၊ မည်ရထင်ရှား
နေမင်းသားနှင့်၊ နဂါးရေနတ်သမီးလော။


ကိန္နရီ ကိန္နရာ တို့ ရဲ ပုံအဆင်းကို ဘလ္လာတိယ ပျို့မှာ တွင်းသင်းမင်းကြီးမဟာစည်သူဘွဲ့ရ ဦးထွန်းညို က သရုပ်ဖေါ် ရေးဖွဲ့  ပြထားတာပါ။ လူတွေလို တစ်ပါတ်လျှို ဆံထုံးနဲ့  လောကရဲ့မျက်စေ့ သဖွယ်ဖြစ်တဲ့  နေမင်းသားနဲ့ နဂါးမင်းသမီး တို့ အဖြစ်ပုံကို မြင်ယောင်စေပါတယ်။


          အဲဒိပျို့ထဲမှာပဲ အသူရာနတ်မင်းရဲ့သမီး ၊ သိကြားမင်းရဲ့မိဖုရားအဖြစ် တင်စားထားသလို


လူလည်းမက
နတ်တမျှသို့ 
လှပကျော့ရှင်း
ခြောက်ပစ်ကင်း


တဲ့  ပုံစံမျိုး နဲ့ လည်း ဖွဲ့ နွဲ့ထားတော့ လူတွေထက်တောင် ပိုပြီး လှနေတော့ တာပဲကိုးးလို့ တွေးမိပါသေးတယ်။


          စလေဦးပုညရဲ့ ဖလ်ရောင်မှန်ရောင် ချီ တောလားထဲမှာတော့


စမ်းခံတဲ့ ရေအိုင်
နန်းစံတဲ့  ဟေဝန်မြိုင်
ကိန္နရာ မောင်နှံတို့ 
တောင်ပံခြင်း ယှက်တင်လို့ 
ကြင်သက်တူပြိုင်ကြတယ်
မစုံသူ ဇောပြန်လို့ 
သောတာပန် ပုဂ္ဂိုလ်ကျွမ်းရလောက်အောင်


ဆိုပြီး ကိန္နရီ ကိန္နရာ တို့ 

တောင်ပံယှက်၍
ကြင်သက်နှစ်ဖေါ်
တူပျော်ရွှင်
ကြပုံကို မြင်မိလိုက်တဲ့  သောတာပန် ပုဂ္ဂိုလ်တွေတောင် အသဲကျွမ်း ရလောက်အောင် ခံစားသွားနိုင်တယ် ဆိုပြီး ဖွဲ့ ပြထားတော့ အင်းးးးးးးးးးးးး ကျွန်တော့ လို အကောင်းစား လေးသာ ဆိုရင်တော့ မတွေးဝံ့ စရာပဲဗျို့။


          ဒီစာမျက်နှာကတော့ ဒီလောက်ပါပဲခင်ဗျားးးးးးးးး


          ညွှန်း-(၁) မြန်မာ့ စွယ်စုံကျမ်း
                 (၂) မြန်မာစာညွှန့် ပေါင်းကျမ်း
                 (၃) ကိန္နရီ ကိန္နရာ၊၁၉၉၃ ၊ စိတြ


အခြေအနေပေးရင် ကျန်ရှိနေသေးတဲ့  ကိန္နရီ ကိန္နရာ တို့ နဲ့ ပါတ်သက်လို့ ထပ်တွေးမိနေတာတွေကို နောက်စာမျက်နှာမှာ ပြောပြချင်ပါသေးတယ်။

ကညွှတ်နွယ်(ထီလာ)
13062011


ကိန္နရီ ကိန္နရာ ဆိုတာ


သူဇာနတ်အတူ
လူကိုယ်လူလက်
လူမျက်ခွက်သည်
လူငှက်မြိုင်နန်းသူတည်း ။

                                                       မန်လည်ဆရာတော်ဘုရားကြီး
                                                       စန္ဒ ကိန္နရီ ရတု၊ ပိုဒ်ရေ ( ၆ )

          ကိန္နရီ ကိန္နရာ ဆိုတာကို လူတိုင်းလိုလို အနဲနဲ့ အများ သိကြပါတယ်။ တကယ်တမ်း ဂဃနဏ သူတို့  အကြောင်းကိုသိသူကတော့  နည်းပါးကြမှာပါ။

          ကိန္နရီ ကိန္နရာ ဆိုတဲ့ အမည်တွေဟာ ပါဠိ(မဂဓ) ဘာသာစကားဖြစ်ပါတယ်။ ပါဠိ လိုဆိုရင်တော့


ကိံ =  အဘယ်နည်း
နရာ =  လူလော၊ နတ်လော


လူလားနတ်လား ယုံမှားလောက်ဖွယ်ရာ လူတို့ ၏ အသွင်ကို ဆောင်လျှက်ရှိသူ လို့ ပဲ ဆီလျော်အောင် ပြောရမှာပါ။ ကိန္နရီ  က အမ ဖြစ်ပြီး ကိန္နရာက တော့ အထီးပေါ့ ။

ကိန္နရီ ကိန္နရာ တို့ ရဲ့ပုံသဏ္ဍာန် ကို အနီးစပ်ဆုံး ပြောရရင်တော့ 



၁။     ငှက်ကိုယ် လူခေါင်း
၂။     လူကိုယ် မြင်းခေါင်း
၃။     မြင်းကိုယ် လူခေါင်း



ဆိုပြီး အကြမ်းဖျင်း သုံးမျိုး ခွဲခြားထားပါတယ်။ လူလိုလို၊ နတ်လိုလို၊ တိရစ္ဆာန်လိုလို နဲ့  သတ္တဝါ အထူးအဆန်း တစ်မျိုး ပေါ့ ဗျာ။



          ငါးရာ့ ငါးဆယ်ဇာတ်၊ အသီတိနိပါတ် မဟာကုဏာလဇာတ်တော် မှာ ကိန္နရီ ကိန္နရာ အမျိုးအစား အတော်များများ ဖေါ်ပြထားပါတယ်၊ ထင်ရှားတဲ့  အမျိုး အစား တို့ ကို ဖေါ်ပြရမယ်ဆိုရင်

၁။          ဒေဝ ကိန္နရာ
            စတုမဟာရာဇ် နတ်မျိုး၌ ပါဝင်သည်
၂။          စန္ဒ ကိန္နရာ
            စန္ဒတောင်၌ နေသည်
၃။          ဒုမ ကိန္နရာ
            သစ်ပင်များ၌နေ၍အသီးအပွင့်များကိုစားသည်
၎။          ဒဏ္ဍမာဏဝိကာ ကိန္နရာ
            လက်နက်စွဲကိုင်တတ်ပြီး လူ၏မျက်နှာနှင့်တူသည်
၅။          ကောန္တိသကုဏ ကိန္နရာ
            ကရဝိက်၊ ကြိုးကြာ တို့ ကဲ့ သို့  အသံသာယာစွာ တွန်ကျူးတတ်သည်
၆။          ကဏ္ဏပါဝုရဏ ကိန္နရာ
            နားရွက်တစ်ဖက်ခင်း၍ တစ်ဖက်ကိုခြုံကာ နေနိုင်လောက်အောင် နားရွက်ကြီးသည်
၇။          အဿမုခိ ကိန္နရာ
             မြင်းမျက်နှာ ပုံသဏ္ဍာန်ရှိသည်
၈။          နာရီပုပ္ဖ ကိန္နရာ

တို့ ပဲဖြစ်ပါတယ်။

          ကိန္နရီ ကိန္နရာ တွေ တကယ်ရှိမရှိကို မြန့် မာ့ သမိုင်းမှာ၊ မြန် မာ့ စာပေ အထောက် အထား တွေမှာ ၊ ဘုရားဟောဇာတ်နိပါတ်တွေမှာ ၊ ရှာဖွေတွေ့ ရှိနိုင်ပါတယ်။ လက်လှမ်း မှီသလောက် လိုရင်းတိုရှင်း တင်ပြရရင်တော့

          သက္ကရာဇ် ၁၀၁၀ ပြည့်နှစ်မှာ အင်းဝမှာ နန်းတက်တဲ့  ငါးထပ်ကြီးဒါယကာ မင်းတရားကြီး တောင်းပန်သည့်  အတွက် တောင်ဖီလာ ဆရာတော် ရေးသားခဲ့ တဲ့  ရာဇ မဏိ စူဠာ ကျောက်စာမှာ ကိန္နရီ ကိန္နရာ တို့  အကြောင်း ပါရှိကြောင်းကို ဦးချိန် ရဲ့ ဝေါဟာရ လီနတ္ထဒီပနီ၊ စာမျက်နှာ (၂၆၃) မှာ ဖေါ်ပြထားပါတယ်။


          ကျောက်စာပါ လိုရင်းအချက်ကို ပြောရရင်တော့


“အသောက မင်းကြီးက ကိန္နရီ ကိန္နရာ တို့  ကခုန်ခြင်း၊ သီဆိုခြင်း တို့ ကို ရှုစားနားဆင်ချင်တဲ့ အတွက် ဟိမဝန္တာ တောကို လက်စွပ်တော် စေလွှတ်ပြီး မင်းအာဏာဖြင့် ခေါ်ယူရှုစားတော်မူခဲ့ ” ကြောင်း ပေါ့ ။



          အဲဒိ ငါးထပ်ကြီးဒါယကာ မင်းတရားကြီး လက်ထက်မှာပဲ သလ္လာဝတီ မြစ် အတွင်းမှာ မျောလာလို့  ဆယ်ယူရရှိခဲ့ တဲ့   ကိန္နရာတစ်ကောင်ကို ဆက်ရောက်လာဘူးကြောင်း  “ဟံသာဝတီရောက် မင်းတရားစာတမ်း” မှာတွေ့ရပါတယ်။

          ဘေးတော် မင်းတရားကြီးလက်ထက်က မင်းကွန်းနန်းဆောင်မှာ မိုးကောင်းမြို့ဝန်က ဖန်ဘူးနဲ့ ထည့် ပြီး ဆက်သတဲ့  ကိန္နရာငယ် အသေခြောက်ပုံကို ရှေးဟောင်းစာပေသုတေသီ တစ်ဦး ရှာဖွေစုဆောင်းထားတဲ့ “ရွှေနန်းလက်သုံး ပုံစံများ” စာတွဲအမှတ် ( ၁ ) ပုံအမှတ်စဉ် ( ၂၆၇ ) မှာ တွေ့ရပါတယ်။

          ရှေးဟောင်း ယဉ်ကျေးမှု တွေနဲ့ ပါတ်သက်ပြီး “မှတ်စု” ရေးသားမှုမှာ အထူးထင်ရှား ကြော်ကြားခဲ့ တဲ့ မုံရွေးဆရာတော် (ရှင် အာဒိစ္စရံသီ) ရဲ့မုံရွေး မှတ်စု တွေထဲမှာ ကိန္နရီ ကိန္နရာ တို့ နဲ့ ပါတ်သက်တဲ့  ဇာတ်စု စာရင်း ကို ထုတ်နှုတ်ပြထားတာကို လေ့ လာမယ်ဆိုရင်တော့

၁။     ဘလ္လာတိယ ဇာတ်
၂။     စန္ဒ ကိန္နရီ ဇာတ်
၃။     တက္ကာရိက ဇာတ်
၎။     မဟာကုဏာလ ဇာတ်
၅။     အဋ္ဌသဒ္ဒ ဇာတ်
၆။     ဒေဝီကိုပမာနှိုင်းရာ ကိန္နရာ
၇။     အသိတာဘူကိုပစ်၍လိုက်သောဇာတ်
၈။     မဟာဝင်တွင် ကောဏ္ဍတိဿ အကြောင်း
၉။     အပါဒါန် ကျမ်းမှာ ကျူ ပွင့်လှူသော  ကိန္နရာ     
၁၀။     ကုဏာလဇာတ်မှာ တရားနာဖို့ လာသည့်  ကိန္နရာ
၁၁။     သုဝဏ္ဏသာမ ဇာတ်မှာတော့ လူတွေကို ကြောက်တတ်သော ကိန္နရာ

ဆိုပြီး ကိန္နရီ ကိန္နရာ တို့ အကြောင်းကို မှတ်တမ်း ပြုထားပါတယ်။

          ဒီစာမျက်နှာမှာတော့ဒီလောက်ပါဘဲ။ နောက်ပို့့စ်တွေမှာ ဆက်လက်တင်ပြပါ့မယ်။

          ညွှန်း-(၁)          မြန်မာ့ စွယ်စုံကျမ်း
                 (၂)          ကိန္နရာ  ကိန္နရီ ၊ ၁၉၉၃ ၊ စိတြ

         

ကညွှတ်နွယ်(ထီလာ)
12062011




တန်ခိုးရှင်


အမှတ်တမဲ့ နဲ့ တောင်
မလှပ်ခဲ့ မိတဲ့   ငါ့နှလုံးသားကိုမှ
တံခါးမခေါက်ဘာမခေါက်နဲ့ 
နောက်ပေါက်က တိုးဝင်
(နင်)
တန်ခိုးရှင်။

သုတိသာယာ ရင်ဘတ်ဗလာနဲ့ 
မာယာကို ပျားရည်လူး
စကားဆူးတွေနဲ့  ထပ်ရစ်ပတ်
ချစ်တတ်လို့ လာအောင် နှောင်ကြိုးငင်
(နင်ဟာ)
တန်ခိုးရှင်။

အပြစ်မဲ့  ငါ့မေတ္တာ ကိုထိုးနှက်
အနှစ်မဲ့  နင့်သစ္စာကို ချိုးဖျက် လို့ 
ပြိုးပြက်ဝင်းလက်တဲ့  အလှတရားကြောင့်
ငါ့ဘဝခါး ခဲ့ ရတာတောင် အဆိုးမမြင်
(နင်လေ)
တန်ခိုးရှင်။


ကကြိုးက ပဉ္စလက်
ကကွက်က မှော်တစ္ဆေ
ကဝေဆန်တဲ့  အပြုံးမျိုးမို့ 
ငါ့ရင်တခွင်ဖုန်းဆိုးတောဖြစ်လေအောင်
ပုန်းလျှိုးလို့ ဝင်
(နင်ဟာလေ)
တန်ခိုးရှင်။

ဝဋ်ကြွေးမို့ လေလား

စွန့် မပစ်ရက်
မနုတ်ရက်တော့
ရက်စက်ပြုစား
နင်လှည့်စားလည်း
လူစားမလို
နင်သာလိုသည်
အလို- အသင် တန်ခိုးရှင်။


ကညွှတ်နွယ်(ထီလာ)
28092011

ဒီတိုကရေစီ အချစ်ပုံပြင်

ဖြူစင်ရှင်းသန့် 
အရောင်ကန့် သတ်ချက်မဲ့ စဉ်
နှပ်ချေးတွဲလောင်း ပေစောင်းစောင်းနဲ့ 
သွားပိုးဟောင်းလောင်းပေါက်ဘဝမှာ
သံယောဇဉ်ခေါင်းလောင်း ကို
အသံမဲ့ ခေါက်မိခဲ့ ကြတယ်ပေါ့ ။

စွာမ

“မျောက်ကလေး၊ ဒါဟိုဘက်ခြံက မိစွာ တဲ့ ၊ မိစွာ ဒါ ဦးဦးရဲ့တူလေးလေ ၊ဦးဦးတို့ နဲ့  နေဖို့ လာတာ၊ သမီးတို့  အတူတူ ဆော့ပြီး ရန်မဖြစ်ရဘူးနော်”

ဝန်ထမ်းတွေဖြစ်ကြတဲ့  အဖေနဲ့ အမေတို့ က သွားလေရာခေါ်မသွားချင်လို့  ကျောင်းနေဖို့ ဆိုပြီး အဖေ့  ဘက်က အဖိုးအဖွားနဲ့  လူပျိုကြီး ဦးဦး တို့ ဆီ ပို့ လိုက်ပြီး သိပ်မကြာခင်မှာပဲ ကျွန်တော့ဦးဦးက မိတ်ဆက်ပေးခဲ့ တာပါ။
ကျွန်တော့ကိုဆော့လွန်းလို့  ချစ်စနိုးနဲ့  မျောက် လို့ ခေါ်ကြပြီး သူ့ ကိုတော့ အရွယ် နဲ့  မလိုက်အောင်ကက်ကက်လန် စွာလွန်းလို့  မိစွာလို့ ခေါ်ကြတာတဲ့ ဗျ။
သူ့ ပုံက အမြဲတမ်း နှပ်ချေးထူပြီး သွားတွေကလည်း ပိုးစားထားပြီး မဲမဲချွန်ချွန်တွေမို့  ကျွန်တော့အမြင်မှာ တော်တော် အကြည့်ရဆိုးပါတယ်။ သူနဲ့  ကျွန်တော်က ရွယ်တူလောက် ပေမယ့်  သူ့ ပုံစံက အမြဲဆရာကြီးလုပ်ပြီး အမြဲ အနိုင်လိုချင်တဲ့ အကျင့်ကောင်းပိုင်ရှင်ဖြစ်လေတော့ အတူတူ နေကြရင်း အတူတူ ဆော့ကြတယ်ဆိုပေမယ့် ကျွန်တော်နဲ့ က ခဏခဏ ရန်ဖြစ်ကြတာပေါ့ ဗျာ။ သူ့ ကိုကျွန်တော်က ဘာရယ်မဟုတ်ပဲ မိစွာ လို့့မခေါ်မိပဲ စွာမ လို့ ခေါ်ဖြစ်သွားပါတယ်။
အဲဒိလိုနဲ့  ကျွန်တော့မှာ ငယ်ငယ်တုံးက စွာမ လို့ ခေါ်တဲ့ သူငယ်ချင်းတစ်ယောက် ရှိဘူးတယ်ပေါ့ ဗျာ။



*********                    **********          **********

ကျောင်းခန်းဝတွင်
သူ့ ကိုမြင်သည်
ကြည်လင်ဝင်းပလှပါတကား။
ကိုယ့်ကိုမြင်ရာ
မျက်လွှာကိုတိမ်း
ခေါင်းကိုယိမ်းတော့
စိမ်းလိုဟန်လော
မသိဟန်လောဟု
မောမိရင်ပူလှပါတကား။

မယ်မြ

“ဟေ့ ၊ မယ်မြနဲ့ ဖြူမ၊ ဒါငါနဲ့ အလယ်တန်းတုန်းကတည်းက ကျောင်းနေဘက်၊ သက်တင် တဲ့ ၊ မြန်မာစာ ဒုတိယနှစ်က၊ သူက နင်တို့ နဲ့  ပါတ်သက်ချင်လို့ တဲ့၊ အဟီးးး အဓိက ကတော့ မယ်မြပေါ့ ဟာ”

“ဟေ့ ရောင်၊ ဒါ မင်းဟတ်ဟတ်ထိုး သိချင်ပါတယ်ဆိုတဲ့  မြသီတာ၊ တို့ ကတော့ မယ်မြလို့ ခေါ်တယ်၊ သူက ဖြူစင်အောင် တဲ့ ၊ ဖြူမ လို့ ခေါ်လည်းရတယ်ကွ၊ နှစ်ယောက်လုံး ပထဝီ တတိယ နှစ်တွေချည့်ပဲ”

အရှင်လတ်လတ် အငွေ့့ပျံသွားရင်ကောင်းမလား၊ ဒါမှမဟုတ် မြေမျို သွားရင် ကောင်းမလား၊ သေချင်းဆိုး မိုးစွေ ကောင်းမှု နဲ့ ပထမနှစ် တစ်နှစ်လုံး ချောင်းချောင်းကြည့်ရုံကလွဲလို့ မျက်လုံးချင်း မတော်တဆ ဆုံပြီး စေ့ စေ့ ကြည့်မိဖို့  တောင် “ဇ” မရှိတဲ့  အာဇာနည်သွေးပိုင်ရှင် ကျွန်တော့အဖို့  မိတ်ဆက်ခိုင်းမိတဲ့  ကိုယ့် ပါးစပ်ကို ပဲ ပိတ်ရိုက်ရမလား၊ အပိုဆာဒါး စကားချွန်နဲ့  မ, တဲ့ ခွေ့သား ပါးစပ်ကိုပဲ ပိတ်ရိုက်ရမလား။
ရှက်မွှန်မွှန်ပြီး ကြည့်မိကြည့်ရာ သစ်ရွက်ခြောက်တွေထက်က ကြိုးသေးသေး ခွာမြှင့် ဖိနပ် ပိုင်ရှင် ခြေထောက် တစ်စုံကို မသိစိတ်က အံကြိတ် မိနေရင်း ကြည့်နေရုံကလွဲလို့  ပတ်ဝန်းကျင်တစ်ခုလုံး အလင်းမဲ့ ၊ အသံမဲ့ လို့ ပေါ့့။

*********                    **********          **********

မျက်ပြူးသွားမည်း
စွာလန်ကြဲမို့ 
ဆွဲကုတ်လိုက်ချင်
သံယောဇဉ်ကြောင့်
သဲပြင်ရေကျ ငါ့ဒေါသ။

စွာမ

တစ်ရက်မှာတော့၊ စွာမ တို့ အိမ်က မာလကာပင်ပေါ်မှာ အူနီသီးတွေ တွေ့ တော့ စားချင်တာနဲ့  အပင်ပေါ်တက်ခူးတာပေါ့ ။ အဲဒိအချိန်မှာ စွာမက မာလကာပင်အောက်မှာ အပ်ချုပ်ဆိုင်က ဖြတ်စ တွေနဲ့ လူရုပ်လုပ်ရင်း ဆော့ နေတယ်။ ကျွန်တော် တစ်လုံး ပဲ ခူးရသေးတယ် ပုရွက်နီ စာမိပါလေရော။ အလန့် ထညက် ပြန်းဆင်းလိုက်တာ အောက်ဆုံးကိုင်းရောက်တော့ လက်ချော်ပြီး ပြုတ်ကျတယ်ဗျို့။ ကျတဲ့ နေရာက သိပ်မမြင့်တော့ ကျွန်တော် နဲနဲဘဲနာသလိုရှိလိုက်ပေမယ့်  ကျမိလိုက်တာက စွာမ ပေါ်တည့်တည့်ဆိုတော့ ကမ္ဘာပျက်တော့တာပေါ့  ။ သူ့ ခြေထောက် ကျိုးပါပြီဆိုပြီး အာပြဲကြီးနဲ့ ငိုလဲငို ကျွန်တော့ ကိုလည်း ရိုက်လိုက်ကုတ်လိုက်ပေါ့ ။
ကျွန်တော့မှာ ကျတာကိုလည်းနာရမှန်းမသိ၊ သူ့ အရိုက်အကုတ်ကိုလည်း နာရမှန်းမသိဘဲ ပြာယာခတ်ပြီး ဘာလုပ်ရမှန်း မသိဖြစ်နေတုံး စွာမ က ပြဲပြဲလန်ငိုရင်းနဲ့  နင့်ကို တိုင်ပြောမယ် ဘာညာ ဆိုတော့ မှ ကျွန်တော် အိမ်ကိုသတိရသွားတော့ တာနဲ့  သူ့ ကို ချော့ မော့ လို့  အိမ်သွားဖို့ပြောပြီး သူ့ ခြေထောက်နာနေတာကြောင့် ကုန်းပိုးပြီး ပို့ မယ်ပေါ့ ။
ကျောပေါ်တင်ရုံရှိသေးတယ် နာနေတဲ့ သူ့ ရဲ့ခြေထောက်ကို ကိုင်မိလို့ ဆိုပြီး ကျွန်တော့ နောက်ကျောကို ကိုက်တယ်ဗျို့။ ကျွန်တော့မှာ နာလွန်းလို့ ခါးကို ကော့သွားတာပေါ့ ။ စိတ်တိုလိုက်တာလည်း အရမ်း။ ကိုင်ပေါက်လွင့်ပစ်ချင်လာတယ်။
ဒါပေမယ့် ။ ကျွန်တော် မလုပ်ဖြစ်လိုက်ပါဘူး။ သူ့ရဲ့လော်မလိုတဲ့  အော်ငိုသံကြောင့်  စွာမ အမေ ပြေးထွက်လာပြီး သူ့ ကို ချီယူသွားလိုက်တော့မှ ကျွန်တော့မှာ ကျလို့ နာတဲ့  အနာ၊ သူ့ အကုတ်အရိုက်ကြောင့်နာတဲ့ အနာ။ အင်္ကျီပေါက်အောင်အကိုက်ခံထားရလို့ မချိမဆန့်  နာတဲ့ အနာ တွေပေါင်းပြီး ခေါင်းတောင် မူးနောက်နောက် ဖြစ်လာတယ်ဗျို့။

*********                    **********          **********

မြသီတာ
လှဋီကာ စာမဖွဲ့ချင်ဘု
ကဗျာနဲ့  မော်ကွန်းတင်။

ပိတုန်းကေသာ မဟူရာနက်ပါလို့ 
သူတကာထက် အလှပိုသူ
တစ်ခဏ ဆိုရုံ အာသာမပြေနိုင်ငဲ့
ကမ္ဘာကြေ ပျက်ကာသုဉ်း
မဆုံးတမ်းပဲ ကြည့်နေချင်။

မယ်မြ

ဟိုနေ့ က တောက်ရှက်ကွဲခဲ့ တာကြောင့် သူ့ ကို မတွေ့ရဲပေမယ့် ။ ကြည့်မိကြည့်ရာ ကြည့်ပြီး မြင်ခဲ့ မိတဲ့  သူ့ ခြေဖမိုးလေးကို စိတ်စွဲ ပြီး မနေနိုင်မထိုင်နိုင် ဖြစ်လာတယ်ဗျို့။ အဲဒါနဲ့  အရှက်မျက်နှာ နောက်ထားပြီး နှစ်ရက်အကြာမှာ သေချင်းဆိုးကိုပဲ အဖေါ်ခေါ်ပြီး သူ့ ကိုသွားတွေ့ မိလိုက်တယ်။ သေချင်းဆိုးကို မနဲတောင်းပန်ပြီး မ စ, ဖို့ စည်းရုံးထားပေမယ့်  ရှူ တည်တည် မျက်နှာတစ်ခုနဲ့  ပြုံးစိစိ ဖြူမ မျက်နှာတို့ အပြင် တမင် တည်ထားတာကို မသိသိအောင် အမူအရာ လုပ်ပြနေတဲ့  သေချင်းဆိုးကြောင့် ကျွန်တော့နားရွက်တွေ ပူထူပြီး ခေါင်းက အလိုလို ငုံ့့မိရက်သားဖြစ် သွားတော့။ အိပ်မက်မဟုတ်တဲ့  ၊ မသိစိတ်ကော ၊ သိစိတ်ရော စွဲလမ်းနေမိတဲ့  သူ့ ခြေဖမိုးလေးကို ပြန်တွေ့ လိုက်ရပြန်တော့တာပေါ့ ။
ကျွန်တော် ကြည့်ရင်းကြည့်ရင်းနဲ့့ အဲဒိ ခြေဖမိုးလေးကို ကဗျာ တစ်ပုဒ်လို့  မြင်မိလာပါတယ်။ သူ့ ခြေဖမိုးလေးက ဖြူဖြူဖေါင်းဖေါင်းအိအိလေး၊ နဲနဲလေး အနီးကပ်ကြည့်မယ်ဆိုရင် သွေးမြစ်စိမ်းစိမ်းတွေ တွေ့ မယ်ထင်တယ်။ ခြေမျက်စေ့ က ပါတယ်ဆိုရုံ ယောင်ယောင်လေး ဖြစ်နေပြီး ခြေချောင်းလေးတွေက ပြည့်ပြည့်ဖြိုးဖြိုးနဲ့ သွယ်သွယ် စုစု ချွန်ချွန်လေးတွေ။ နဲနဲလောက်ငုံ့ ကြည့်မယ်ဆိုရင် မွေးညှင်းစိမ်းလေးတွေတောင် တွေ့ ရလောက်တယ်ဗျို့။ အဲ- အထူးခြားဆုံးကတော့ သူ့ ခြေသည်းလေးတွေပေါ့ ။ အလိုက်အထိုက်လှီးဖြတ်ထားတဲ့ ခြေသည်းလေးတွေက သူတို့  ရဲ့မူလ အရောင်ပဲလား ၊ ဆိုးဆေးပဲ ဆိုးထားသလားမသိဘူးဗျ ခွဲခြားရခက်လှအောင် ပန်းဖြူရောင်ဖျော့ဖျော့ လေး ဆိုတော့

“ဟေ့ ရောင်၊ မင်းကိုပြောနေတယ်လေကွာ”

ဗြန်းကနဲ နောက်ကျောကိုရိုက်ပြီး ပြောလိုက်တာကြောင့် ကျွန်တော်သဝေ ထိုးမိနေတဲ့  သူ့ ခြေဖမိုး ကဗျာလေး လန့် သွားရော။
ကျွန်တော်လည်း ယောင်နနနဲ့  ဘာပြောလိုက်မှန်း မသိတော့ မျက်ခုန်းကိုပင့် ပါးစပ်ကိုဟပြီး အာမေဋိတ် တော်တော်များများ မွေးဖွားမိလိုက်တယ်ဗျို့။
အဲတော့မှ သေချင်းဆိုးက ပြန်ပြောပြတယ်။ မယ်မြက ပြောတယ်တဲ့  သူတို့ နဲ့ ခင်ချင်ရင် သူတို့ ထုံးစံသိဖို့ လိုတယ်တဲ့ ။ ကျွန်တော်က ဘာထုံးစံလဲ ဆိုတာမေးတော့ ။ သူတို့ အဖွဲ့နဲ့  အတူ ရှိနေတဲ့ အချိန်မှာ ကိုယ့် သဘောနဲ့ ကိုယ် ဘာမှလုပ်ခွင့်မရှိဘူး။ ဥပမာ- ကိုယ်က မုန့် ဟင်းခါး စားချင်လို့  မုန့် ဟင်းခါး ဆိုင် သွားမယ်ဆိုရင်တောင် အားလုံးရဲ့သဘောတူညီချက်ရမှ သွားရမယ်။ အဲဒါမျိုးတဲ့ ။ အကယ်၍ အားလုံး ဆန္ဒ မညီရင် ရှိတဲ့ သူတွေ မဲခွဲပြီး မဲများရာ ကို လိုက်လျောကြေးတဲ့ ။ အဲဒါကိုလက်ခံမယ်ဆိုရင် ကျွန်တော့ကို သူတို့ အဖွဲ့ထဲ သွင်းသင့်မသွင်းသင့် မဲခွဲမယ်တဲ့။
ကျွန်တော် မင်သက်မိသွားတယ်၊ သိပ်လည်းအံ့သြ သွားတယ် ။ ဒါပေမယ့်  ကျွန်တော် ခေါင်းညိတ် လိုက်မိပါတယ်။ လက်ခံတယ်ပေါ့  ။ အဲဒိမှာ ကျွန်တော့ ကဗျာရှင်လေးက
“မဲခွဲမယ်”
တဲ့ ။

*********                    **********          **********

အသက်ငယ်ရွယ်စဉ်အချိန်က
သူငယ်ဖေါ်ဆွေသဟာတို့ နဲ့ 
ပျော်ရွှင်စွာ ကစားရာ
ငြင်းပွားကာ ရန်ဖြစ်ကြ
ခေါ်ပြန်တည့်ပြန်ကာနဲ့ 
ထီလာကန် ရေအစပ်
ပစ်ခတ်ကာ ရေကူးပြီး
ပျော်မူးခဲ့ ပုံတို့ မှာ
လွမ်းဖို့ ကောင်းလှသည်ပေါ့ လေး။

စွာမ

စာရင်းချုပ်လိုက်တော့။ စွာမ က ခြေမကျိုးပေမယ့်  ခြေထောက်ကို ဆေးစည်းလို့  အိပ်ယာထဲ တစ်ပတ်လောက် လှဲနေလိုက်ရပြီး၊ ကျွန်တော်ကတော့ လက်ပြင်နှစ်ခုကြား  ကျောရိုးနားက မှည့်နီ လေးကိုဗဟိုပြုတဲ့  သေရာပါမယ့်  သွားရာကြောင့် သွားဆိပ်တက်ပြီး သုံးရက်လောက် ဖျားယူလိုက်ရပါလေရော ။
ကျွန်တော်တို့ နှစ်ယောက် တက်တက်ကြွကြွ ပြန်ပြီး ဆော့နိုင်တဲ့ နေ့ မှာပဲ ကျွန်တော့ဦးဦးက ဖြစ်ကြောင်းကုန်စင်ကို အမှု စစ်တော့တာပါပဲ။ သူ့ အပြော ကိုယ့် အပြော ပဲ သိထားကြတော့ အခုလို နှစ်ယောက်ဆုံပြီးမေးတော့ ငြင်းရင်းခုံရင်းနဲ့  အဖြစ်မှန်အားလုံးကိုလည်းသိရော ကျွန်တော်က သစ်ပင်ပေါ်တက်တဲ့ အပြစ်။ စွာမ က ကျွန်တော်တက်တာကို မတားခဲ့ တာရယ် သွားမြှုပ်အောင် ကိုက်ခဲ့ တဲ့ အပြစ် တွေကြောင့်။ ကျွန်တော်တို့ ကို “က” အက္ခရာကို ဗလာစာအုပ်တစ်အုပ်ကုန်အောင် လက်ရေးလှရေးဖို့ အမိန့် ချလိုက်တော့တယ်ဗျို့။ ကျွန်တော်တို့ နှစ်ယောက်လုံး အဲဒိစီရင်ချက်ကြောင့် တစ်ပတ် လောက်အီစိမ့် သွားကြတော့တာပေါ့ ။
ဦ်းဦးက ဒါလောက်နဲ့ တင် မကျေနပ်သေးဘဲ၊ ကျွန်တော်တို့ နှစ်ယောက်လုံးအတွက် ပညတ်ချက် အသစ်တစ်ခု ထုတ်ပြန်လိုက်ပါတယ်။ အဲဒါက
“နောက်တစ်ခါ၊ ဘယ်လိုကိစ္စမဆို နှစ်ဦးသဘောတူမှလုပ်ရမယ်၊ တစ်ယောက်က ကန့် ကွက်ရင် ကျန်တစ်ယောက်က လုပ်ခွင့်မရှိ၊ လုပ်ခဲ့ ရင် လက်ရေးလှရေးရမယ်၊ အကယ်၍ နှစ်ယောက်ပေါင်းပြီး စိတ်တူကိုယ်တူ အပြစ်လုပ်ခဲ့ ကြရင် လက်ရေးလှကို နှစ်ဆ ရေးရမယ်”
တဲ့ ဗျားးးးးးး။
အဲဒါကိုမင်းတို့ ဘယ်လိုသဘောရလဲတဲ့ ။ ဘာတတ်နိုင်မှာမို့ လို့ လဲ။ စွာမက အရင်ခေါင်းညိတ်တယ်။ ကျွန်တော်က နဲနဲ နောက်ကျတယ်။ ကျွန်တော်ခေါင်းညိတ်လိုက်စဉ်မှာပဲ

သောကြာကြယ် လထက် နင်းသွားသလား
ငလျင်ပဲ လူတွေမသိအောင် လှုပ်သွားသလား
ဘီလူးတွေပဲ ကိုယ်ထင်ပြလိုက်သလား
အရိပ်တွေပဲ ပြောင်းပြန် ထွက်သွားသလား
ကြယ်တွေပဲ အချင်းချင်း ခွပ်နေကြသလား

*********                    **********          **********

အသားအရေဖြူစင်ရွှန်းစိုပါလို့ 
တစ်ဖဝါးမသွေ တူယှဉ်ကွန်းခိုချင်ငဲ့ 
ဇမ္ဗူတွင်ညွှန်းဆို အတုမဲ့ ပါပေါ့ 
နုနွဲ့ နွဲ့သူ့ ဟန်သွင်
ခုပြန်မြင်ရဲ့ သခင်မ။

ကြည်လင်လဲ့ ရွှန်း ညှို့မျက်ဝန်းနဲ့ 
လျှို့ဝှက်လွန်းတဲ့ မျက်နှာယဉ်မှာ
တစ်သက်စာပင် ဘဝဆုံးရှုံးစေတာက
အလှဆုံးပြုံးလို့  ကလူကြည်စယ်ဟန်
မြှူဆွယ်သဏ္ဍာန် အသွင်မဲ့  ပါလျှက်
မြင်တဲ့ သူ လူတစ်ဖက်သားတို့ 
ရတက်ပွားလို့ အသည်းကြွေကာ
အမြဲတစေသာ အိပ်မက်မှာလ
နှိပ်စက်တာ ဝေဒနာပြင်းလှတယ်
(မေရာ)
မင်းဘာကြောင့်လှ။

မယ်မြ

သူ့ ကိုဘာကြောင့်မယ်မြ လို့  ခေါ်ကြသလဲဆိုတာ ကျွန်တော်သိလိုက်ရပါပြီ။ အမြဲတမ်း အမယ်အိုကြီးတစ်ယောက်လို မြည်တွန်တောက်တီးပြီးတော့ သူများတွေနားပူနေကြတဲ့ အချိန်ကျမှ သူလုပ်ချင်တာကို တရားဝင် အောင်ဖန်တီးပြီး လုပ်လေ့ ရှိလို့ တဲ့ ဗျ။ အဲလိုနဲ့  ကျွန်တော် သူတို့ အဖွဲ့ ဝင်ဖြစ်သွားပြီး အကန့် အသတ်နဲ့  သူတို့ သွားလေရာ လိုက်ခွင့်ရသွားပါတယ်။ ကျွန်တော့ရဲ့မဟာသတ္တိကြောင့် ဘယ်လိုမှ ဖွင့်မပြောနိုင်ပေမယ့်  ကျွန်တော် လုပ်နိုင်သလောက်လေးနဲ့  သူ့ ကို ချစ်ရိပ်ချစ်ယောင် ပြရတော့တာပေါ့ ။ သူထိုင်မယ်ဆို ခုံယူပေးတာတို့။ ရုပ်ရှင်ကြည့်ဖို့ဇာတ်ကားရွေးရင် သူ့ ဘက်ကလိုက်ပြီးမဲပေးတာတို့ ။ (ကိုယ်ကြိုက်ကြိုက်မကြိုက်ကြိုက်ပေါ့ ) ကုန်ကုန်ပြောရရင် မဲခွဲမယ်ဆိုတိုင်း ကျွန်တော့ဆန္ဒတွေဟာ သူ့ သဘောထားအတိုင်းအလိုလိုဖြစ်သွားရော။ အဲ- ကျေးဇူးရှင် သေချင်းဆိုးနဲ့  ဖြူမ တို့ ရဲ့ ကောင်းမှုကြောင့်လည်း ကျွန်တော် အခြေအနေ နဲနဲ ကောင်းလာသလိုပဲဗျို့။ နဲနဲ ကြာလာတော့ အရင်က အဖေါ်မပါရင် ဘယ်မှမသွားတဲ့ သူက အခုဆို ဟိုနားဒီနားဆို ကျွန်တော်နဲ့ သွားဖြစ်လာပြီ။ (ကျောင်းတွင်းမှာပါပဲ)။ ကျွန်တော့ကိုလည်း ဆံပင်ရှည်ပြီ၊ လက်သည်းညှပ်ဦး၊ ညမှာ စာကျက်ရဲ့ လား။ ဘယ်ကောင်နဲ့ ကြည့်ပေါင်း ဘာညာ ဆိုပြီး ဥပဒေမဟုတ်တဲ့  စေခိုင်းချက်တွေ ပေးလာရင်းးးးးးးးးးးးး။
အဲလိုနဲ့  ကျွန်တော် တတိယနှစ် သူ ဖိုင်နယ် အရောက်မှာ သူဟာ ကျွန်တော့ရဲ့တရားဝင် ကဗျာ လေး ဖြစ်သွားပါတော့တယ်။

အဲဒိမှာ စတွေ့ တော့တာပါပဲ။
စစ်အေးခေတ်က ဆိုဗီယက်ယူနီယံမှာ ပါတီအထွေထွေအတွင်းရေးမှူး က တိုင်းပြည်ရဲ့ဘုရင်ပေါ့  သူ့ မှာ ပေါ်လစ်ဗြူရို ဆိုပြီး ရှိပေမယ့်  ဆုံးဖြတ်ရမယ့် ကိစ္စတိုင်းမှာ သူ့့အခြေအနေကြည့်ပြီး ပေါ်လစ်ဗြူရိုဝင်တွေက သူတို့  သဘောထားကို ထုတ်ပြခဲ့ ကြရတာထုံးစံဆိုပဲဗျ။
ကျွန်တော့ နှလုံးသားတိုင်းပြည်ရဲ့အထွေထွေအတွင်းရေးမှူးလေးကလည်း ထိုနည်းလည်းကောင်း ပဲဗျို့။ အသေးအဖွဲလေးက အစ သူ့ သဘောကိုးးးဗျ။ နှစ်ယောက်တည်းသက်ဆိုင်တဲ့  ကိစ္စတွေမှာ ကျွန်တော့က တစ်ခါတလေ သူ့ ကိုဆန့် ကျင်ပြီး မဲပေးမိရင်တောင် ကျွန်တော့အယူအဆကို စိတ်မဝင်စားဘဲ နင်နဲ့ ငါနဲ့ တစ်မဲစီ အတူတူပဲ အဲတော့ ငါပြောသလိုလုပ်။ ဆိုတော့။ ကျွန်တော်ဘာများတတ်နိုင်ဦးမှာလဲဗျာ။
တစ်ခုဖြေသာ သွားတာက နိုင်ငံအားလုံး လိုလိုပါဝင်တဲ့  ကမ္ဘာကုလသမဂ္ဂ အထွေထွေညီလာခံ ရဲ့ ဆုံးဖြတ်ချက်မျိုးတောင် ဒီမိုကရေစီ သူရဲကောင်းလုပ်တတ်တဲ့  အမေရိကန်လို နိုင်ငံကြီးတွေက ဗီတိုအာဏာ နဲ့ ကန့် ကွက်တာ၊ ပယ်ဖျက်တာတွေ လုပ်နေမှတော့ ကျွန်တော့ အချစ်တိုင်းပြည် လေးအတွက်တော့ ဒီမိုကရေစီ ဆိုတာ ဗီတို အာဏာ ကို လူတွေမျက်စေ့ မှောက်အောင် ဟန်ဆောင်ကွယ်ဝှက်ထားတဲ့  ဗီတို ကရေစီ ပဲမို့  ကျွန်တော်ပြောခဲ့ သလိုပါပဲ။ ကျွန်တော်ဘာများတတ်နိုင်ဦးမှာလဲဗျာ။
ဒီလိုနဲ့  ကျွန်တော့ကဗျာလေး ကျောင်းပြီးသွားလို့ ကျွန်တော်ဖိုင်နယ် ရောက်တဲ့ အချိန်မှာ နဲနဲ လွတ်လပ်သွားသလိုပဲဗျို့ ။ အဲတော့မှ ကျွန်တော်လည်း ဝါသနာတူတွေစုပြီး လက်ရေးကဗျာ စာအုပ်ထုတ်တာတို့ ။ အင်တာနက် ဆိုက်တွေမှာ မင်ဘာလုပ်ပြီး မတောက်တခေါက် ဘလော့ဂါ လုပ်တာတို့ ။ ကိုယ်ဝါသနာပါရာကို လုပ်ဖြစ်လာပါတယ်။

*********                    **********          **********

နှစ်ဟောင်းညှာကြွေ
နှစ်သစ်ကယ်ဝေပြန်တော့
ဆွေသဟာ ပေါင်းသင်းများ
(လောကဓံ)
လေနှင်ရာယွင်းရ
ကိုယ်သတိရစရာ
ဖုံလုံးကြားသူငယ်လေးတို့ 
ပျော်ပါးစွာ ဆော့ပုံ
အလုံးစုံ ကိုယ်မြင်တော့
လွမ်းသည်ပင်လေး။

စွာမ

ပထမတော့ ကျွန်တော်တို့ နှစ်ယောက် အဆင်မပြေဘူးဗျို့ သူက အဖြူဆိုကိုယ်ကအမည်းပေါ့ ။ အဲတော့ ကိုယ့် အိမ်မှာပဲ တစ်ယောက်တည်း ကိုယ့် ခြေကိုယ်ချုပ်ပြီး ဆော့နေလိုက်ကြတာ။ သုံးရက်တောင် မခံဘူးဗျို့။ ပျင်းလာရော။ အဲတော့ ကျွန်တော်တို့ နှစ်ယောက်သား တစ်ယောက်တစ်လှည့် လိုက်လျောရင်းနဲ့  အတူဆော့ကြဖို့  မသိမသာ နဲ့  သဘောတူလိုက်ကြရပါတယ်။
ဒါပေမယ့်  အင်မတန်စွာပြီးအင်မတန် အာပြဲတတ်လွန်းတော့ သူ့ အလိုချည့်ဘဲ ကျွန်တော်က လိုက်ခဲ့ ရတာများပါတယ်။ သူ့ ကိုနိုင်အောင်လဲ ကျွန်တော်က ပြိုင်မငြင်းတတ်တော့ ကျွန်တော်ဟာ တစ်နေ့ တခြား သူ့ နောက်လိုက်ဖြစ်မှန်းမသိဖြစ်လာပါတယ်။ အဲ- သူကြပ်ကြပ် အနိုင်ကျင့်လာပြီဆိုရင်တော့ ကျွန်တော့မှာ ဝှက်ဖဲ တစ်ခု ရှိတယ်ဗျ။ အဲဒါက ကျွန်တော့နောက်ကျောက သူ့ သွားရာလေ။ အဲဒီ အကြောင်း စ, လိုက်တာနဲ့  စွာမတစ်ယောက် အထာကျသွားပြီး ကျွန်တော့သဘော ဖြစ်သွားပါလေရော။
ကျွန်တော်တို့ နှစ်ယောက်ဟာ ကျောင်းချိန်နဲ့  အိပ်ချိန်ကလွဲလို့  ရေအိမ်ဝင်ချိန်တောင်မှ အပြင်နဲ့ အတွင်း ပြောလိုက်ဆိုလိုက် ရန်ဖြစ်လိုက်နဲ့  နေလာခဲ့ ကြတာ။

ကျွန်တော့အဖေ တိုက်ပွဲကျသွားတယ်။အဲဒီနောက် အမေက ကျွန်တော့ကိုခေါ်ပြီး အမေ့ ဇာတိ နဲ့ မိဘ များရှိရာကို သွားရတဲ့ အချိန်။ စွာမ တစ်ယောက် နှပ်ချေးနဲ့  မျက်ရည် ရောရတဲ့ အချိန်အခါပါပဲ။ ပိုဆိုးသွားတာက စွာမရဲ့မိဘတွေ စီးပွားရေးကြောင့် သူတို့ နေတဲ့ အိမ်ကိုရောင်းပြီး ပြောင်းသွားလိုက်တာကြောင့် တစ်ခါတလေ နောက်ကျောက သွားရာကို သတိရတဲ့ အခါ ၊ အဖိုးအဖွားနဲ့  ဦးဦးတို့ ဆီသွားလည်ရင်း အမေးအမြန်းရှိတဲ့ အခါကလွဲလို့  စွာမဆိုတာ ကျွန်တော့ရဲ့ဟိုးးးးးးးရှေးရှေးတုန်းက အမှတ်တရ ဖြစ်စရာ ငယ်သူငယ်ချင်း တစ်ယောက်အဖြစ်နဲ့ ဘဲ။
ကျွန်တော် ရှစ်တန်းနှစ်မှာ အဖေ့ ဘက်က အဖိုးအဖွားတွေ ရှေ့ ဆင့်နောက်ဆင့် ကွယ်လွန်သွားကြတယ်။ ကျွန်တော့ဦးဦးလည်း ရှိသမျှထုခွဲလို့   အမေ့ ကိုတစ်ဝက် ပေးပြီး နိုင်ငံခြားကို အပြီးထွက်သွားပါတော့တယ်။

*********                    **********          **********

နင်နဲ့ ငါ
ကဗျာ စာ ပိုးတွယ်တာချင်းလည်းမတူ
ဝါသနာ မျိုးနွယ်တာချင်းလည်းမတူ

နင်နဲ့ ငါ
မေဂျာ ရွေးချယ် တာမှာလည်းကွာတယ်
ဝေဒနာ အတွေးကြွယ် တာမှာလည်းကွာတယ်

နင်နဲ့ ငါ
စိတ်အနေအထားမှာလည်းကွာတယ်
မိတ်ဆွေများတာမှာလည်းကွာတယ်

နင်နဲ့ ငါ
အတွေးအမြင် အနံအလျားမှာလည်းကွာတယ်
အဆွေးဘဝင် ခံစားတာလည်းကွာတယ်


မယ်မြ

ကျွန်တော်ကျောင်းပြီးလို့ သုံးနှစ်လောက်ရှိတော့။ နှစ်ဘက်မိဘတွေရဲ့သဘောတူညီချက်နဲ့  ကျွန်တော့ကဗျာလေးကို ကလောင်နာမည်ထိုးခွင့်ရလိုက်ပါတယ်။ ထုံးစံအတိုင်းပဲပေါ့ ဗျာ။ လက်ထပ်မယ့်ကိစ္စနဲ့ ပါတ်သက်ပြီး ဆွေးနွေးကြတိုင်း ဒီမိုကရေစီ ဆန်ဆန် နှစ်ယောက်သား မဲခွဲ ဆုံးဖြတ်လေ့ ရှိကြတာပေါ့ ။ အဲ- ထုံးစံ အတိုင်းပါပဲဗျာ။ သူ့့ရဲ့ဗီတို ကရေစီ မဲကြောင့် အမြဲတမ်း သူ့ သဘောချည့်ပဲပေါ့ ။

ဆွေးနွေးရင်းနဲ့ ပြေလည်တော့ မယ်ရှိသေး  ပြဿနာ တစ်ခုက တံခါး လာခေါက်ပါလေရော။ ကျွန်တော် ဆိုက်တွေမှာ ပိုးထ နေတဲ့ ကိစ္စပေါ့ ။ သူ့ အတွက် အချိန်ပေးရမှာကို စက်ရှေ့မှာ အချိန်ပေးတယ်ပေါ့ ။ ဝါသနာကို နားလည်ပေမယ့် လွန်လွန်းတယ်ပေါ့ ။ အားအားရှိ ဒါချည့် အမြဲ စိတ်စွဲနေတယ်ပေါ့ ။ ဘလော့ရေးတာ အကြောင်းပြပြီး ချက်တင်မှာ အရှက်မရှိ (နှာကြောထပြီး) ကောင်မလေးတွေနဲ့ သွားကြူနေတယ်ပေါ့ ။ စွဲချက်တွေက အများကြီးဗျို့။ ကျွန်တော်လည်း ပထမတော့ ထုံးစံအတိုင်း အေးပါ ဟာပေါ့ ။

မရဘူးဗျို့။ နေ့ တိုင်းဂျစ်တိုက်နေတော့။ ကျွန်တော်လည်း တော်တော်ညစ်လာပြီပေါ့ ။ စိတ်ထဲမှာလည်း သူ့ အနေနဲ့  ဒါလေးတော့ သိတတ်သင့်တယ်ပေါ့ ။ တကယ်တော့ ကျွန်တော့ စိတ်ကိုက သူ့ အလိုကို လိုက်ချင်ချင်ပေမယ့် ။ အခုကိစ္စကတော့ ကျွန်တော်မှန်တယ်လို့ ယူဆ မိပါတယ်။ ဒါပေမယ့် တစ်ချိန်လုံး သူ့့ရဲ့ ဒီမိုကရေစီဆိုတဲ့  မျက်နှာဖုံးစွပ်ထားတဲ့  ဗီတိုကရေစီ ကြီးနဲ့  အလိုက်အထိုက်နေလာခဲ့ လေတော့။


*********                    **********          **********

အရှေ့ဆီက
မိုးကုတ်မှသည်
နှင်းစဖွေးဖွေး
မြောက်လေအေးကြား
ဆေးခြယ်သလို
နီရောင်ပျိုနှင့်
ဝါလိုတခြား
တိမ်ဖြူကြားက
နတ်သားသူရိန်
ထွက်ပေါ်ချိန်ဝယ်
ငြိမ်သက်လောက
သေရာမှသည်
နိုးထလာသော်
နိဗ္ဗာန်ဆော်ကား မည်သူနည်း။


ကျွန်တော်

ထွက်သွားပြီးကတည်းက တစ်ခါမှ ပြန်မလာဖြစ်တော့တဲ့ ကျွန်တော့ဦးဦး ။ တစ်ဦးတည်းသော သူ့ ရဲ့ ဆွေမျိုးဖြစ်တဲ့  ကျွန်တော့မင်္ဂလာပွဲကို လာဖို့  စီစဉ်နေပြီတဲ့ ဗျို့။

အကယ်၍များ ကျွန်တော့ဦးဦးနဲ့  ကျွန်တော့ ကဗျာလေးရဲ့မိဘတို့ တွေ့ ကြတဲ့ အခါ။
တစ်ချိန်တုံးက ခြံချင်းကပ် နေလာခဲ့ ကြတဲ့  စွာမ မိဘတွေမှန်း ဦးဦးကနေတစ်ဆင့် သိကြရတဲ့ အခါ။ ကဗျာလေး တစ်ဖြစ်လဲ စွာမက တအံ့ တသြ နဲ့  ဟဲ့ နင်မျောက်ဟုတ်ရဲ့လား ဆိုပြီး ကျွန်တော့ နောက်ကျောက သူ့ ရဲ့  သွားရာကို ကြည့်ချင်လာတဲ့ အခါ။ အဲဒိသွားရာလေးကို ပဲ ဟိုးးးတုန်းကလို ဝှက်ဖဲအဖြစ် အသုံးချလို့ ရတဲ့ အခါ။
ကျွန်တော်နဲ့ ဘလော့ ရေးခြင်း၊ ဘလော့ ရေးခြင်းနဲ့ ကျွန်တော်

သို့ သော်

ကဗျာလေးရဲ့ ဒီမိုကရေစီ အခွံစွပ်ထားတဲ့  ဗီတိုကရေစီလေး(သို့ မဟုတ်)
ကျွန်တော့ဘာသာ နာမည်အသစ်ပေးထားတဲ့  ဒီတိုကရေစီ ဆိုတဲ့ ငယ်ကျင့်လေး နဲ့ အတူ ကျွန်တော့ရဲ့စိတ်ကူးယဉ်အိပ်မက်များ မပြီးဆုံးခင်မှာပဲ ကျွန်တော် အိပ်နေရာက နိုးထလာမိမှာ စိုးရိမ်နေရင်းးးးးးးးးးးးးးး

နားထဲမှာ ကြားယောင်လာမိသလိုလိုက။

မိုးလေဝသ သတင်း-  မနက်ဖြန် နေသာချင်သာပါလိမ့် မည်။


ကညွှတ်နွယ်(ထီလာ)
25092011


Powered by Blogger.

۩ Time ۩

ကညွှတ်နွယ်(ထီလာ)

۩ သိစေချင် ۩

ကညွှတ်နွယ်(ထီလာ) ဆိုဒ်လာလည်ကြသော ရပ်နီး ရပ်ဝေးမှ သူငယ်ချင်းများအားလုံး ပျော်ရွှင်ကြပါစေနော်..

۩ Followers ۩

۩ လာလည်နေသူတွေ ۩

۩ အဖတ်များသော ۩

۩ အကျူဉ်းချူပ် ۩

۩ လစဉ်ဖတ်မယ် ۩